YOOSOMA 53
Ninkela oothanla hayi matthekulelo oreera?
Yehova Muluku ‘ohakalala.’ (1 Timotheyo 1:11) Owo ontthuna weera nihakalaleke, nave nipuheke mweekumini mwahu. Owo-thooni, ontthuna weera nikhalaneke ehuhu yoowiitthuuwa. Mpuwa mwa yoosomeene yeela, ninkela woona moota hiyo nneeraahu nikhalekeno ehuhu yoowiitthuuwa—nihipakaka itthu sinamunanara Yehova.
1. Ninkela wuupuwela eheeni nihinaakuveene othanla matthekulelo ahu?
Eheeni enoosivelani opaka ehuhu yoowiitthuuwa? Akina onnaasivela—osoma, akina wiiwa itxipo, akina woona iviidiyu naari akina onavekari munterneetini. Ni-tho, akina khoonaasivela okhala emaalelo, nto anniithanlela weettakasa weera evirihe ehuhu yoowiitthuuwa, okhupwela naari oweetta axooku ni ansikhwaaya. Nihipwatthaka ele ninthanlaahu ehuhu yoowiitthuuwa, onnitthuneya osuwela matthekulelo ahu waari weera “annasivela Apwiya.” (Aefeso 5:10) Ti vootthuneya wuupuwelela nnene mwaha ola, mwaha wooweera itthu sintxipale atthu anthanlaaya etempo yoowiitthuwa sinhela mpuwa itthu sinamunanara Yehova, ntoko ikhotto, okonihana woohireerela naari onammunepani. (Musome Nsalmu 11:5.) Eheeni eneera enikhavihere othanla nnene matthekulelo ahu?
Wakhala weera asinthamwene ahu annamusivela Yehova, awo enoonivaliha mikhalelo sooreera, nave matthekulelo ooreera. Ntoko niwenhaahu yoosoma 48, “wàtthará asuweli, onokhale musuweli tho.” Maxi wakhala weera asinthamwene ahu khaneettela malamulo a Yehova, ‘anonxeera maitho.’—Miruku 13:20.
2. Heeni nintthuneyaahu osuwela ehuhu ninvirihaahu nitthekulaka?
Nnaamweera matthekulelo ninthanlaahu ehimunanaraka Yehova, onnatthuneya osuwela ihuhu ikavi ninvirihaahu ntthekulaka. Tivawonto, naahisuwela nnene pooti oviriha etempo yintxipale ni matthekulelo awo, nihipwatthaka itthu sootepa otthuneyaxa. Biblya onnanooperera weera “nivuluxeke ehuhu ya nanaano.”—Mmusome Aefeso 5:15, 16.
WEERA MUXUTTERE SINTXIPALE
Moone moota muneeraanyu muthanle matthekulelo ooreera.
3. Musempeke matthekulelo ahimmusivela Yehova
Mwaha wa heeni nintthuneyaahu othanla nnene matthekulelo ahu? Moone EVIIDIYU, Avinyaka mutthekule ni ipontu sinttharelana.
-
Moota heeni axooku oowana ekhotto a oRoma khalayeene enlikanaaya ni axooku aneettiwa mahukwaano?
-
Nviidiyuni, eheeni Daniel aaxuttenraawe voohima sa otthekula?
Mmusome Aroma 12:9. Avinyaka mutthekule ni epontu enttharelana:
-
Moota heeni yoolepa ela eneeraaya ewerihekeni opaka soothanla sooreera?
Itthu heeni ikina Yehova oniittaawe? Musome Miruku 6:16, 17 ni Agalata 5:19-21. Mwasoma soolepa sootheene iya, mutthekule ni epontu enttharelana:
-
Itthu heeni sinhimmwa va iversu iye simpakiwa mmatthekuloni mahukwaano?
Ninkela othanla moota heeni matthekulelo ooreera?
Weera muupuwele:
-
Eheeni? Neereke matthekulelo ala annakumihera itthu sinamunanara Yehova?
-
Ehuhu heeni? Neereke matthekulelo ala ennikimalihera ewoora ekootxelihaka opaka itthu sootepa otthuneya?
-
Taani? Neereke matthekulelo ala anookaattameliha naatthu ehinamusivela Yehova?
Etthu yooreera opaka ori okhala ottayi ni etthu yoowoopiha. Wakhala weera nyuwo munnahovela weera matthekulelo anyu tooreera naari hooye, etthu yooreera opaka ori okhala ottayi ni matthekulelo awo
4. Nvariheleke nnene ehuhu anyu
Moone EVIIDIYU, avinyaka mutthekule ni epontu enttharelana.
-
Munna a nviidiyuni khoona weera matthekulelo awe yaari oonanara. Mene nto maxupo heeni yaamukhumelenle?
Mmusome Afilipi 1:10. Avinyaka mutthekule ni epontu enttharelana:
-
Yoolepa ela enkela onikhavihera hayi othanla ehuhu nneeraahu niviriheke ntthekulaka?
5. Muthanle nnene matthekulelo anyu
Ekhaikhai weera sookhala itthu sintxipale sinamunanara Yehova, mene-tho, sookhala itthu nneeraahu nipake weera ntthekuleke. Mmusome Koheleti 8:15 ni Afilipi 4:8. Avinyaka mutthekule ni epontu enttharelana:
-
Matthekulelo heeni enoosivelani?
Sookhala itthu sintxipale sooreera weera ntthekuleno
ATTHU AKINA ANEERA: “Khohiyono ti woonanara miyo woona iviidiyu sa ikhotto naari osoma iliivuru sa ikhotto, saatthu oohiwara ni maxitta. Mene etthu yootthuneya ori ohipaka itthu iyo.”
-
Nyuwo mwaakela ohima eheeni?
NYAHA SOOTHUNEYA
Yehova ontthuna weera nithanleke matthekulelo ooreera, nave matthekulelo awo ekhaleke oonikhavihera.?
Wuuluula
-
Matthekulelo heeni makristu antthuneyaya osepa?
-
Mwaha wa heeni nintthuneyaahu weera nipwattheleke etempo yeeyo ninvirihaanyu ntthekulaka?
-
Mwaha wa heeni muntthuneyaanyu othanla matthekulelo yaawo emmuhakalaliha Yehova?
WEERA MUSUWELE ITTHU SINTXIPALE
Moone taani orinono muritti woothanla matthekulelo anyu.
“Anamoona a Yehova annakhoottiha itthu sa ifilme, imusika naari iliivuru?” (Mwaha va jw.org)
Moone moota nyuwo muneeraanyu muthanle matthekulelo anyu.
“Neereke wiitthuuwa waanyu ti ooreera?” (A Sentinela, 15 a Outubro a 2011)
Weera moone moota mulopwana mmoha aatxentxalaawe matthekulelo awe, musome yooweereya “Mpaka koowina nthalu.”
“Biblya onatxentxa ikumi sa atthu” (A Sentinela, 1.º a Fevereiro a 2010)
Moone moota maaye mmoha aapankaawe yoothanla yooreera voohima sa ifeesta sinvarihana ni onammunepani
