“Muluku a wirimu anavinyererihe omwene ohinrowa opwexiwa wa mahiku oothene.” — Daniyeli 2:44, Biblya Exirima.

“Vetthitthuni nòyareliwa mwana, anyi nòvahiwa mwana: mmakhatani mwawe onokhale’mo otokwene”. — Yesaya 9:5, Biblya Exirima.

Omweneene oowo ti wa xariya . . .

• onimokhaviherani mweekumini mwanyu mahiku’ano. — Yesaya 48:17, 18.

• onaawihe ekumi yoorera ni yoohakalaliha elapo enyowani. — Apokalise 21:3, 4.

Aani, mwaha wa mathowa meeli:

• Yesu ahoonihera itthu oneeraya opake omwene wa Muluku. Ahaxuttiha oohuserawe weera evekeleke omwene wa Muluku weera orwe, weera tho otthuna wa Muluku opakeye wirimu hiiho tho elapo ya vathi. (Matheyo 6:9, 10) Yesu aahonihera moota neeraya nakhuliwe nivekelo nna.

  Aarawe elapo ya vathi, Yesu ahaatxiha atthu yaari neetala, ahaalamiha aretta ni ahaavinyereriha alipa ookhwa. (Matheyo 15:29-38; Yohani 11:38-44) Antoko muholeli a omwene wa olamulelo wa Muluku, Yesu aavaha onamoona wa itthu soohakalaliha omweneene yoowo oneerawe owiihe wa elapo ya vathi. — Apokalise 11:15.

• Soweereya sa elapo sinnonihera weera olamulelo wa omwene wa Muluku onoowa moohipisa. Yesu aahima itthu seera sereeye ohinakuve orwa omwene wa Muluku elapo ya vathi, samukhala ikhotho, otetereya wa etthaya ni etala. — Matheyo 24:3, 7.

  Mahiku’ahu ala ninnona itthu iya seereyaka. Vano, nroromeleke weera omwene wa Muluku moohipisa onoomaliha ohaawa woothene.