Mmusome Yeremiya 38:1-13 weera muxuttere woohima sa olipa murima oonihenraawe Yeremiya ni Ebedi Melki.

Nwehexexe mwaha. Moota heeni Yeremiya oonihenraawe olipa murima vaavo aalaleyaawe mitthenka sa Yehova? (Yer. 27:12-14; 28:15-17; 37:6-10) Atthu yoonenle hayi? — Yer. 37:15, 16.

Muthola-thole vantxipale. Maxupo heeni Yeremiya aavirihaawe? (jr-T ekap. 2 epaax. 26-27 eparag. 20-22) Moonelele etthu woohima sa malitti a khalayi. (it-1-T epaax. 499-500 eparag. 1-4) Yeremiya iisoonela hayi vaavo aavonyerinwaawe mulittini yaarimomo matope? Itthu heeni saakela omweeriha Ebedi Melki woova? — w12-T 1/5 epaax. 31 eparag. 2-3.

Moonelele itthu munxutteraanyu. Mwiikoheke ha:

• ‘Yooweereya ela enkixuttiha eheeni woohima sa moota Yehova aakosompaawe arumeyi awe oororomeleya?’ (Nsal. 97:10; Yer. 39:15-18)

• ‘Mwa itthu heeni kinrowaaka otthuneyaka woonihera olipa murima?’

• ‘Moota heeni kinrowaaka olipiha olipa waka murima weera kipake etthu eri yooreera vaavo kintthara-tthariwaaka?’ (w11-T 1/3 epaax. 30) a