“Mahiku miyo kinriipiwaaka murima naari oxupeya, Yehova onnavarihela muteko itxipo sa va JW Broadcasting^® weera akihakalalihe.” — Lorraine, U.S.A.

Akristu ikwaha sootheene ennavarihela muteko “itxipo” weera emukokhorele Yehova. (Akol. 3:16) Wakhala weera nyuwo munooxuttera wiipa itxipo sahu, iyo sinimookhaviherani emaara muhinrowaanyu okhalano eliivuro ya itxipo naari ikaruma ntoko telefoni ni ikaruma ikina. Nwehe miruku sinttharelana sineera sookhavihereni wiipa itxipo sahu nnene sene.

• Musuweleke nnenesene ileetra sa itxipo iyo itthu sintaphulelaaya. Onnakhala wookhweya wuupuwelela ele muniiwaanyu wakhala weera munniiwexexa. Ileetra sootheene sa itxipo sahu simphwanyeiya va site jw.org, ohela mpuwa iviidiyu ni itxipo sa anamwane. Muttapunye nipuro nneera “BIBLIOTECA” avinyaka “Musicas.”

• Mulepe ileetra sa itxipo iyo. Sinooweerihani weera muhittiwale ileetra iyo ni sinoogravareya mmuruni mwanyu. — Ola. 17:18.

• Mwiipeke ni nsu nanyu nootheene. Musomeke ni mwiipeke itxipo iyo ikwaha sintxipale.

• Moone mwaahittiwanle. Mweerereke wiipa muhisomaka ileetra mulempaanyu, avinya nwehexexe waari weera yookhuma nnene.