Nyuwo Alipa-oosoma

Erevista ela ya Owehaweha, nookhalana myaha thanu sinivarihana:

• Mwaha woopacerya, nnooweha moota Yehova onaaphenta awe atthu. Nave-tho, nnoosuwela etthu opanke awe wiira onikhaliherye owanana etampi ni opaka itthu sinimusivela.

• Mwaha wa nenli, nnimwiixutta etthu mutthu okhanle awe oopaka wiira orukunuxe murima ni nnooweha moota Yehova onaakhaliherya awe atthu orukunuxa murima aya.

• Mwaha wa neeraru, onnitthokiherya moota Yehova aaphavela awe wiira muloko wa oKorinto, omuthokoreryeke mulopwana mmosa aapanke etampi yuulupale, ohinaphavela ottharuwa.

• Mwaha wa neexexe, nnooweha moota axitokweene anaakhaliherya aya anna ni arokora apanke etampi yuulupale.

• Mwaha wa neethanu, ninrowa oweha etthu axitokweene ni anna a mmulokoni akhanle aya oopaka, wiira amooniheryeke niphento ni ommorela ikharari mutthu okumihiwe mmulokoni.