Mixankiho Sinniiriha Okhalana Nlipelelo
Mixankiho Sinniiriha Okhalana Nlipelelo
“Mahiku ookiserya, makhalelo anrowa okhala ooxankiha ni oowoopiha”.—2 TIMOOTHEYO 3:1.
MOOTOKO wiiwa wala woona mixankiho iya sinittharelana?
● Iretta sinniwiiva atthu anceene.
● Etala enniwiiva atthu anceene.
● Itetere sinniwiiva atthu anceene ni sinninyaanya ipa.
Ipaaxina sinittharelana, nyuwo munimoona sowiiraneya ntoko iyo ninreerela ahu wuupuwela saana. Nave munimoona wira Biibiliya aahihimya vahinatthi wira “mahiku ookiserya” saamukhumelela itthu ntoko iyo. *
Yoolakela ya myaha iya, khahiyo wookupalihani wira ninkhala olumwenku wooxankiha. Woonasa wene, nyuwo munnisuwela wira olumwenku ola khoreere otakhala. Ohiya-vo, myaha iyo silokiheriwe wira soovaheeni nlipelelo. Nto ipaaxina sinittharelana sinimooniherya iprofesia 6 seiyo sinooniherya oratteene wira “mahiku ookiserya” ahanle omala. Nave myaha iyo sinootthokiherya itthu vakhaani atthu akina ahineemererya aya ni nnimoona itthu sinnikupaliha wira muhoolo makhalelo anooloka.
[Enoota]
^ etti. 7 Wira nwehe etthu enimwiiriha Muluku weemererya itthu iyo soohiloka, nwehe mwaha ori epaaxina 16 ni 17 oni: “Xeeni Muluku Onihiya Awe Ohaawa ni Otakhala Wiiraneyaka?”, erevista yeela.