Masaalimu 103:1-22
Nsipo na Davidi.
103 Kinoomuttottopela Yehova;Itthu sootheene kirina aka sittottopeleke nsina nanyu noowaarya.
2 Kinoomuttottopela Yehova;Kihikhala-khale kiliyalaka itthu sootheene opanke awe.
3 Owo onnoolevelelani itampi sanyu sootheene,Nave onnipenuxa iretta sanyu sootheene.
4 Owo onnoopola okumi anyu mulittini,*Onnoowarihani ophenta wawe woororomeleya ni omoriwa wawe ikharari, ntoko ekhara.
5 Okumi anyu wootheene, owo onnoovahani itthu sooreera,Tivonto, munikhala anyu mmiravo ni murina anyu ikuru ntoko xawawe.*
6 Yehova onoophuka milattu mwa xariya,Owiirelaka atthu ootheene anihaaxiwa.
7 Owo aahimusuweliha Moise, iphiro sawe,Nave aahiwooniherya miteko sawe, anamwane a Isarayeli.
8 Yehova toomoriwa ikharari ni toothunku,Toopisa onanariwa, ni onnooniherya vanceene ophenta woororomeleya.*
9 Owo khonnipwapwela okathi wootheene mwaha wa itampi sahu,Nnakhala khonnanariwa ni hiyo mahiku ootheene.
10 Khonniirela etthu ottharaka itampi sahu,Nnakhala khonniliva ottharaka itampi sahu.
11 Ntoko erimu erakamelanne aya ni elapo ya vathi,Siiso-tho, ophenta wawe woororomeleya, ti wuulupale wa atthu yaale animoova.
12 Ntoko siisaale onikhuma nsuwa orakamelanne aya ni onikela nsuwa,Owo onnipweha itampi sahu, ottaiwene ni hiyo.
13 Ntoko siisaale paapa onaamorela awe ikharari anaawe,Siiso-tho, Yehova onnaamorela ikharari ale animoova.
14 Muluku onnisuwela oratteene moota nipattuxiwe ahu,Onnuupuwela wiira hiyo na ntthupi.
15 Okumi wa pinaatamu, onlikana ni malaxi ahinipisa;Owo ori ntoko ifilori sa mutakhwani.
16 Masi okathi epheyo enoopa aya, ifilori iyo sinnirimeela,Vanakhala ntoko wiira khisaatonko okhala.
17 Masi ophenta woororomeleya wa Yehova, onikhala mahiku ootheene,Para atthu yaale animoova.Nave onnooniherya exariya osuulu aya,
18 Wa ale anitthara nivarihano nawe,Ni ale aniiwelela sooruma sawe.
19 Okathi wootheene, ehice ya Yehova eri wiirimu;Owo tonilamulela itthu sootheene.
20 Nyuwo malaikha ootheene, oowerya vanceene, mmuttottopeleke Yehova,Nyuwo muniwiriyana malamulo awe ni wiiwelela sooruma sawe.
21 Malaikha awe ootheene, amuttottopeleke Yehova,Eyo piiyo, arumeyi awe, yaawo anipaka itthu oniphavela awe.
22 Itthu sootheene opattunxe awe, simuttottopeleke Yehova,Ni mapuro ootheene onilamulela awe.
Miyo kimuttottopeleke Yehova.
