Masaalimu 5:1-12
Para tiretoore a isipo. Para Nehiloothi.* Nsipo na Davidi.
5 Khoo Yehova, nwiriyane ovekela waka;Nwehe saana oxanka waka.
2 Xontte Mwene aka ni Muluku aka,Mukiwiriyane okathi kinoovekelakani wiira mukikhaliherye,Okhala wiira kinoovekelani nyuwo.
3 Nyuwo Yehova, voosiisu munoowiriyanaka nsu naka;Voosiisu, kinrowa wooleelakani itthu sinikixankiha ni kinoolipelelaka kirooromelaka.
4 Nyuwo mwa Muluku ohinimusivela owoona atthu apakaka itthu sootakhala;Khuuvo mutthu ootakhala onikhala ni nyuwo.
5 Khuuvo mutthu oowiixinnuwiha oniwerya weemela ohoolo wanyu.
Nyuwo munnaanyokha atthu ootheene anivara itthu sootakhala;
6 Nyuwo munrowa waapwetexa anawoothe.
Yehova onnaanyokha atakhali ni atthu oowootha.*
7 Masi miyo kinookela mpaani mwanyu, mwaha wa ophenta wanyu wuulupale woororomeleya;Kinookokhora kiwehaka empa* anyu yoowaarya, kiwoovakani ni nttittimiho.
8 Xontte Yehova, mukeettihe ephiro anyu ya xariya mwaha wa awanani aka;Mukikhaliherye weetta saana ephiro anyu.
9 Khiivo etthu enihimya aya eniroromeleya;Vamurimani vaya, arina otakhala paahi;Mmilo aya, onlikana ni mahiye oohittiyeliwa;Ni nlumi naya, awo anninyoholela.
10 Masi Muluku onimwaalamula;Apalano aya animwaamoroxa.
Muluku aka, nwoomole ohoolo wanyu mwaha wa itampi saya sinceene,Okhala wiira ahoorukunuwelani.
11 Masi ootheene ale anitthyawela wa nyuwo, anootteeliwa murima;Okathi wootheene, anrowa okhuwelaka atteeliwe ene murima.
Nyuwo munimwaattiyelela wiira atakhali ahiwaattamele.Ale aniphenta nsina nanyu, anootteeliwa murima mwaha wa nyuwo.
12 Nyuwo Yehova, munimwaareeliha anaxariya;Munimwaareerela murima ni munimwaattiyelela ni nikula nanyu na* wiixaakihana nuulupale.
Inoota
^ Nwehe Moolumo Ootthokiheriwa.
^ Aahiiso, “atthu aniwiiva akhwaaya ni oowoka”.
^ Aahiiso, “etemplo”.
^ Aahiiso, “eskuutu anyu ya”.
