Masaalimu 95:1-11
95 Murwe, nikhuwele nimwiipelaka Yehova, vootteeliwa murima!
Nikhuwele nitteeliwe ene murima, para Mwala ahu onnoopola.
2 Nrowe ohoolo waawe* ni nimuxukhurele;Nrowe nimwiipele nsipo nooxintta.
3 Yehova ti Muluku muulupale,Mwene muulupale waavikana amuluku ootheene.
4 Mapuro oowiixa a mulaponi, ari mmatatani mwawe;Miyaako soorakama ti sawawe.
5 Ephareya, yeeyo opanke awe, ti yawawe,Nave, matata awe aapaka etthaya yoowuuma.
6 Murwe, nimukokhorele Muluku ahu ni nuurame ohoolo wawe;Nrowe nikhorome ohoolo wa Yehova, yoowo onipattunxe.
7 Owo Muluku ahu,Nave hiyo na atthu onaakukhula awe,Na ipwittipwitthi onikhapelela awe.*
Olelo, nyuwo mwawiriyana nsu nawe,
8 Muhuumihe murima anyu ntoko mwiirale anyu oMeriba,*Ntoko mwiirale anyu nihiku nle oMasa,* moothakoni,
9 Okathi amuhavinre anyu yaakeeherenrye aya;Awo yaahikeehererya, hata yaawehale miteko saka.
10 Mwa iyaakha 40, miyo kaahinanariwa ni nloko nne, kihimya wiira:
“Okathi wootheene, awo annikhootta vamurimani vaya itthu kinihimyaka;Awo khatthanre iphiro saka”.
11 Siiso, kaahilapha kinanariwe ene, kiiraka:
“Awo khanrowa okela opuro aka woophumurya”.
Inoota
^ Eheeperi, “owiitho wawe”.
^ Eheeperi, “sa ntata nawe”.
^ Nintaphulela “onyakulihana”.
^ Nintaphulela “weehererya”.
