Arbba, Usuppune 24, 2023y keehi azzanttiyaabay haniyoogaa doommoosappe issi laytta kumiyo gallassa: He azzanttiyaabay Yukireene olaa. Issi issi irpportteti yootiyoogaadan, 300,000 gidiya Yukireenenne Raashiyaa wotaaddarati hayqqidosona woy masunxxidosona, qassi 30,000 gidiya aynne mooribeenna asay olan hayqqennan aggenna. Gidikkokka, kumetta qooday hegaappe darana danddayees.

 Azzanttiyaabay, haꞌꞌikka ha olay eesuwan eqqanaba milatenna.

•   “Issi laytta gidiya wodiyaappe kase Raashiyaa wotaaddarati Yukireene gelido wodiyaappe doommidi, olay eesuwan agganaagaa bessiya aybikka hanibeenna. Naaꞌꞌu biittatuppe awugeekka olan tumuppe xoonanaba milatenna, qassi naaꞌꞌu biittatikka issippe maayettanaba milatenna.”—NPR (Naashinal Pablik Rediyo), Usuppune 19, 2023.

 Hageenne hara olay kumetta saꞌan deꞌiya aynne mooribeenna asay azzananaadaaninne waayettanaadan oottiyo gishshawu daro asay unꞌꞌettees. Geeshsha Maxaafay ayba hidootaa yootii? Olay muleera xayiyo wodee yaanee?

 Asaa xayssiyaagaa gidennan, ashshiya olaabaa Geeshsha Maxaafay yootees. Hegee Armmageedoona olaa, qassi he olay “Ubbaappe Wolqqaama Xoossaa gita gallassan” olettana olaa geetettees. (Ajjuutaa 16:14, 16) Xoossay he olaa goꞌettidi, daro asay hayqqanaadan oottida olawu gaaso gidida asaa kawotettaa xayssana. Armmageedoona olay merinaa sarotettay deꞌanaadan oottanay ayba ogiyaanakko gujjada eranawu, kaallidi deꞌiya huuphe yohota nabbaba:

•   “Armmageedoona Olay Aybee?”

•   “Armmageedooni Laamotan Naagiyooba!”