Eti ammaniyoobay ayba gidikkokka, “asa ubbaa bonchchite” giya Geeshsha Maxaafaa zoriyaa kaalloos. (1 PHeexiroosa 2:17) Leemisuwawu issi issi biittatun xeetu shaꞌan qoodettiya Yihoowa Markkati deꞌoosona. Gidikkokka, hara haymaanootetu oosuwaa teqqanaadan woy mule digganaadan nuuni polotikan ayssiyaageeta woy higgiyaa kessiyaageeta minttettanawu malokko. Woy kandduwaaninne haymaanootiyan nuuni ammaniyoobaa ubba asay kaallanaadan oottiya higgee kiyanaadan denttettokko. Yaatiyoogaappe, harati nu ammanuwaa bonchchiyo wode nuuni ufayttiyoogaadan etaagaakka bonchchoos.—Maatiyoosa 7:12.