PART 5
Kanum abataˈu Tuminkery tybaryˈu dazaaryy dun?
Noah kamuun dun, irib pidiannau xaˈapatan dikeyd kidiaˈu aimeakan. Genesis (Gênesis) 6:5
Adam naˈik Eve tuman paydainhau, naˈik idaynaˈan iribeinhan imiˈibaaraˈa. Pabiˈikid Tuminkery dainhau durunainhau patumakadinhan Siitan tym inwaˈtin imiˈibaaraˈa at.
Wyryˈy durunainhau kaiween daunaiura nanaa, idaynaˈan inmazidian naa zynau tym. Zynau dainhau tyykii intuˈuruban naˈik pauwaˈa zii inmauˈzkan baurainhau pidiannau ai.
Irib pidiannau xaˈapatan uii kidiaˈu imiˈibaaraˈa. Tuminkery Paradan kian ‘tyykii idikeyd kidiaˈu daunaiura imiˈibaaraˈa naˈik . . . indiˈtinpen suu inxaˈapatazun dikeyd kidiaˈu ipei kamuu.’
Noah abatan id Tuminkery naˈik ytuman imanawynyˈu kanau. Genesis (Gênesis) 6:13, 14, 18, 19, 22
Noah yryy kaimenaˈu daunaiura. Yewah kian Noah at: unmainhabatan nii dikeydanhau pidiannau tybaryˈu dazaaryy id.
Tuminkery kian Noah at: pytum paˈi imanawynyˈu kanau, pynaˈak kiz ipei pi iribennau naˈik ipei pabiˈinaakaˈu yzainhau.
Noah kakinhautan pidiannau waˈtiˈu nii tybaryˈu dazaaryy, mazan aunaa inhau abatan yryy. Pidiannau xazutinhan Noah daˈy naˈik baurainhau tuˈuran yˈat.
Noah ipeian daynaˈan patuman kanau, ynaˈakan yzainhau inazu it.
