Damu nga relihiyon nga nag-aangkon nga Kristiano an nagtututdo nga an Dios usa nga Trinidad. Pero tagda an ginsisiring han Encyclopædia Britannica: “An pulong nga Trinidad o an doktrina mahitungod hito diri makikita ha Bag-o nga Tugon . . . Ito nga doktrina hinay-hinay nga naporma paglabay hin mga siglo ngan bisan pa han damu nga kontrobersya.”

 Ha pagkamatuod, an Dios waray gud ipakilala ha Biblia sugad nga bahin hin usa nga Trinidad. Tagda ini nga mga teksto:

 “Hi Jehova nga aton Dios uusa la nga Jehova.”​—Deuteronomio 6:4.

 “Ikaw, nga an ngaran amo hi Jehova, ikaw gud la an Gihitaasi ha bug-os nga tuna.”​—Salmo 83:18.

 “Nangangahulogan ini hin kinabuhi nga waray kataposan, an ira padayon nga pagkilala ha imo, an amo la nga tinuod nga Dios, ngan ha iya nga imo ginsugo, hi Jesu-Kristo.”​—Juan 17:3.

 “An Dios uusa la.”​—Galacia 3:20.

 Kay ano nga an kadam-an nga relihiyon nga nag-aangkon nga Kristiano nasiring nga an Dios usa nga Trinidad?