Jeremias 11:1-23
11 Ini an pulong nga inabot kan Jeremias tikang kan Jehova, nga nasiring:
2 “Pamatii an mga pulong hini nga kasabotan, kamo nga katawohan!
“Isumat* ini ha katawohan han Juda ngan ha mga naukoy ha Jerusalem
3 ngan sidnga hira, ‘Ini an siring ni Jehova nga Dios han Israel: “Maghikaraot an tawo nga diri nasugot ha mga pulong hini nga kasabotan,+
4 nga akon iginsugo ha iyo mga kaapoy-apoyan han adlaw nga igin-gawas ko hira tikang ha Ehipto,+ tikang ha hudno nga turunawan hin puthaw,+ nga nasiring, ‘Sugta niyo ako, ngan buhata an ngatanan nga iginsusugo ko ha iyo; ngan kamo magigin akon katawohan, ngan ako magigin iyo Dios,+
5 basi matuman ko an akon iginpanumpa ha iyo mga kaapoy-apoyan, nga ihahatag ha ira an tuna nga nag-aawas hin gatas ngan dugos,+ sugad han kahimtang yana.’”’”
Ngan binaton ako: “Amen,* O Jehova.”
6 Katapos, hi Jehova nagsiring ha akon: “Ipasamwak ha mga syudad han Juda ngan ha mga kalye han Jerusalem ini ngatanan nga pulong: ‘Pamatii niyo an mga pulong hini nga kasabotan, ngan buhata ito.
7 Kay seryoso nga ginsagdonan ko an iyo mga kaapoy-apoyan han adlaw nga igin-gawas ko hira tikang ha tuna han Ehipto ngan tubtob hini nga adlaw, nga pauroutro nga ginsasagdonan hira:* “Sugta niyo ako.”+
8 Kondi waray hira mamati ngan waray nira ikiling an ira talinga; lugod, padayon nga ginsunod han kada tagsa an katig-a han iya mismo maraot nga kasingkasing.+ Salit ginpahinabo ko ha ira an ngatanan nga pulong hini nga kasabotan nga iginsugo ko ha ira ngan nadiri hira pagbuhat.’”
9 Katapos hi Jehova nagsiring: “May pagkunsabo dida ha katawohan han Juda ngan ha mga naukoy ha Jerusalem.
10 Ira ginbuhat utro an mga sayop han ira mga kaapoy-apoyan han naglabay nga panahon, nga nadiri pagsugot ha akon mga pulong.+ Sinunod liwat hira ha iba nga mga dios ngan nag-alagad ha ira.+ An panimalay ni Israel ngan an panimalay ni Juda nagtalapas han kasabotan nga akon ginhimo ha ira mga kaapoy-apoyan.+
11 Salit ini an siring ni Jehova, ‘Kitaa, magpapadapat ako ha ira hin kabungkagan+ ngan diri hira makakapalagiw hito. Mangangaro hira ha akon hin bulig, kondi diri ako mamamati ha ira.+
12 Katapos, an mga syudad han Juda ngan an mga naukoy ha Jerusalem mapakadto ha mga dios nga ira ginhahalaran* ngan mangangaro hin bulig,+ pero ini nga mga dios diri gud makakatalwas ha ira ha panahon han ira kabungkagan.
13 Kay an iyo mga dios nagin pariho kadamu han iyo mga syudad, O Juda, ngan an iyo ginhimo nga mga halaran para ha makaarawod nga butang* pariho kadamu han mga kalye han Jerusalem, mga halaran para ha paghalad kan Baal.’+
14 “May kalabotan ha imo,* ayaw pag-ampo para hini nga katawohan. Ayaw pangaraba o pangamuyo para ha ira,+ kay diri ako mamamati ha panahon nga tumawag hira ha akon tungod han ira kadaot.
15 Ano an katungod han akon hinigugma ha akon balayNga damu man hinduro an nagbubuhat hin magraot nga mga butang?
Pinaagi han baraan nga karne* makakalikay ba hira ha kadaot kon umabot na ito ha imo?*
Magrarayhak ka ba hito nga panahon?
16 Hadto gintawag ka ni Jehova nga marampag nga kahoy nga olibo,Nga matahom ngan may maopay nga bunga.
Ginsuritan Niya ito nga may daku nga aringasa,Ngan ginpanbari han mga kaaway an mga sanga hito.
17 “Hi Jehova han mga hugpo, an nagtanom ha imo,+ nagsiring nga may kabungkagan nga maabot ha imo tungod han karaotan nga ginbuhat han panimalay ni Israel ngan han panimalay ni Juda, nga nagpasina ha akon pinaagi ha paghalad kan Baal.”+
18 Ginsumatan ako ni Jehova basi mahibaro ako;Hito nga panahon ginpahinabo mo nga makita ko an ira ginbubuhat.
19 Pariho ako hin maanad nga nati nga karnero nga gindadara ha irihawan.*
Diri ako maaram nga may ginpaplano hira kontra ha akon:+
“Bungkagon naton an kahoy pati na an bunga hito,Ngan tapuson naton an iya kinabuhi,Basi diri na mahinumdoman an iya ngaran.”
20 Kondi hi Jehova han mga hugpo naghuhukom uyon ha katadongan;Iya gin-uusisa an gihilarumi nga mga panhunahuna* ngan an kasingkasing.+
Tuguti ako nga makita an imo pagbulos ha ira,Kay iginpasa ko ha imo an akon kaso.
21 Salit ini an siring ni Jehova kontra ha mga tawo han Anatot+ nga nag-iikaparatay ha imo* ngan nasiring: “Ayaw panagna ha ngaran ni Jehova,+ kay kon buhaton mo ito, papatayon ka namon”;
22 salit ini an siring ni Jehova han mga hugpo: “Kitaa, sisirotan ko hira. An batan-on nga mga lalaki mamamatay pinaagi han espada,+ ngan an ira mga anak nga lalaki ngan an ira mga anak nga babaye mamamatay pinaagi han gutom.+
23 Waray bisan usa nga mahisasalin ha ira, kay magpapadapat ako hin kabungkagan ha mga tawo han Anatot+ ha tuig han pagsirot ha ira.”
Mga footnote
^ Posible nga hi Jeremias an ginsidngan hini.
^ O “Matuman unta.”
^ Lit., “nga nabuhát hin temprano ngan nagsasagdon.”
^ O “ginhahalaran hin mga halad nga ginpapaaso.”
^ O “makaarawod nga dios.”
^ Karuyag sidngon, hi Jeremias.
^ Karuyag sidngon, an mga iginhahalad ha templo.
^ Karuyag sidngon, an Juda.
^ Ha iba nga lugar, “paratayan.”
^ O “gihilarumi nga mga emosyon.” Lit., “mga kidney.”
^ O “namimiling han imo kalag.”
