Sugad han iginpapasabot han ngaran nga Kingdom Hall, an nangunguna nga ginhihisgotan didto nakasentro ha Ginhadian han Dios—an tema han ministeryo ni Jesus.—Lukas 8:1.

Sentro han tinuod nga pagsingba ha komunidad. Ha Kingdom Hall nagtitikang an pagsangyaw nga buruhaton han usa nga komunidad. (Mateo 24:14) Iba-iba an kadaku ngan disenyo hito, kondi ito ngatanan simple. Damu hito an ginagamit hin duha nga kongregasyon o sobra pa. Han naglabay nga mga tuig, nakagtukod kami hin yinukot nga Kingdom Hall (ha aberids nga lima kada adlaw) para ha nagtitikadamu nga kongregasyon. Paonan-o ito nahimo?—Mateo 19:26.

Natukod tungod han mga donasyon. An mga donasyon dida hito iginpapadara ha sanga nga opisina, ngan iginpapahuram ha mga kongregasyon nga kinahanglan magtukod o mag-ayad hin Kingdom Hall.

Gintutukod hin waray sweldo nga mga boluntaryo nga iba-iba an kahimtang ha kinabuhi. Ha damu nga nasud, may mga Kingdom Hall Construction Group nga gin-organisar. An mga grupo han mga construction servant ngan mga boluntaryo nagbuburobalhin hin kongregasyon ha usa nga nasud, bisan ha isolated nga mga lugar, basi buligan an lokal nga mga kabugtoan ha pagtukod han ira mga Kingdom Hall. Ha iba liwat nga nasud, may kwalipikado nga mga Saksi nga nanginginano ha pagtukod ngan pag-ayad hin mga Kingdom Hall ha mga lugar nga sakop ha ira. Bisan kon damu nga skilled nga kabugtoan an nagbuboluntaryo ha tagsa nga proyekto, an kadam-an han boluntaryo ginkukompwesto han kabugtoan nga magamit hito. Ini ngatanan nagigin posible tungod han bulig han espiritu ni Jehova ngan han bug-os-kalag nga pangalimbasog han iya katawohan.—Salmo 127:1; Kolosas 3:23.

• Kay ano nga Kingdom Hall an tawag ha amon lugar han pagsingba?

• Kay ano nga nagin posible an pagtukod hin mga Kingdom Hall ha bug-os nga kalibotan?