Konektado nga asoy ha Biblia:

• Sal 78:​40, 41; 106:​36-46—Pauroutro nga ginpasaylo ni Jehova an iya diri masinugtanon nga katawohan bisan kon an ira ginbuhat nakapasakit ha iya

• Lu 15:​11-32—Igin-ilustrar ni Jesus an kan Jehova pagpasaylo pinaagi han maloloy-on nga amay nga nagpasaylo ha iya diri masinugtanon nga anak nga nagin mabinasulon

 Konektado nga asoy ha Biblia:

• Heb 9:​22-28—Iginsaysay ni apostol Pablo kon paonan-o an dugo han Kristo amo la an paagi basi mapasaylo an aton mga sala

• Pah 7:​9, 10, 14, 15—Iginsurat ni apostol Juan nga ginpasaylo han Dios an mga sala han “daku nga grupo” tungod kay may-ada hira pagtoo ha halad ni Jesus

Konektado nga asoy ha Biblia:

• Job 42:​7-10—Antes tanggalon ni Jehova an mga pag-antos ni Job ngan ibalik ha iya an kahimsog ngan karikohan, ginsugo Niya hi Job nga mag-ampo para ha tulo nga nagyakan hin maraot ha iya

• Mat 18:​21-35—Klaro nga igin-ilustrar ni Jesus an pagkaimportante han pagpasaylo ha iba kon karuyag naton nga mapasaylo kita

Konektado nga asoy ha Biblia:

• Sal 32:​1-5; 51:​1, 2, 16, 17—Tungod han seryoso nga mga sala ni Hadi David, nasubo gud hiya ngan sinsero nga nagbasol

• San 5:​14-16—Iginsaysay ni Santiago nga kon nakabuhat kita hin seryoso nga sala, kinahanglan dumaop kita ha mga tigurang

Konektado nga asoy ha Biblia:

• 1Ha 21:​27-29; 2Cr 18:​18-22, 33, 34; 19:​1, 2—Han ginhukman hi Hadi Ahab, nagpaubos hiya ngan ginpakitaan hiya hin kalooy ni Jehova; pero waray hiya makagpakita hin tinuod nga pagbasol salit para kan Jehova maraot la gihap hiya ngan iginpapatay Niya hiya

• 2Cr 33:​1-16—Maraot gud hi Hadi Manases; pero ginpasaylo hiya ni Jehova han nagbasol hiya. Iginpakita ni Manases nga nagbag-o na gud hiya pinaagi ha pagpaundang han idolatriya ngan pagdasig ha mga tawo nga singbahon hi Jehova

Konektado nga asoy ha Biblia:

• 2Sa 12:13; 24:1; 1Ha 9:​4, 5—Bisan kon nakabuhat hin seryoso nga mga sala hi David, ginpasaylo ni Jehova iton mabinasulon nga hadi ngan ha urhi gintawag hiya nga tawo nga may integridad

 Konektado nga asoy ha Biblia:

• Mat 26:​36, 40, 41—Nahingaturog an pinakaduok nga mga sumurunod ni Jesus han ginkikinahanglan gud niya an ira suporta, bisan pa hito, ginkilala ni Jesus an ira limitasyon

• Mat 26:​69-75; Lu 24:​33, 34; Bu 2:​37-41—Iginnigar ni Pedro hi Jesus hin tulo ka beses, pero ginpasaylo han Kristo an iya mabinasulon nga apostol; katapos banhawon hi Jesus nagpakita hiya kan Pedro ngan ha urhi gintagan niya hiya hin espesyal nga mga pribilehiyo ha kongregasyon

Konektado nga asoy ha Biblia:

• Mat 23:​29-33—Ginpahamangnoan ni Jesus an mga eskriba ngan mga Pariseo nga sugad nga grupo makakarawat nira an paghukom han Gehenna, o permanente nga kabungkagan

• Ju 17:12; Mar 14:21—Gintawag ni Jesus hi Judas Iscariote nga “anak han kabungkagan” ngan nagsiring nga mas maopay pa nga waray na la matawo ini nga traydor