“Kumanhi Unta an Imo Ginhadian”—Pag-ampo nga Gin-uuroutro han Minilyon nga Tawo
Igin-ampo mo na ba nga kumanhi na an Ginhadian han Dios? Ha sulod han mga siglo, gin-uuroutro han minilyon nga tawo an mga pulong nga “Kumanhi unta an imo ginhadian.” Kay ano nga ginbubuhat nira ito? Kay ginsugo ni Jesus an iya mga sumurunod nga ig-ampo an Ginhadian han Dios.
Ha siyahan, waray masabti hin bug-os han mga sumurunod ni Jesus an iya ginsiring mahitungod ha Ginhadian. Makausa nagpakiana hira: “Ginoo, igpapahiuli mo ba an ginhadian ha Israel hini nga panahon?” Posible nga nahipausa hira han waray isumat ni Jesus kon san-o gud maabot an Ginhadian han Dios. (Buhat 1:6, 7) Karuyag sidngon ba hito nga diri naton mahibabaroan kon ano an Ginhadian han Dios ngan kon san-o ito maabot? Diri!
Ini nga isyu han An Barantayan mabulig ha imo nga mabaton an masunod nga mga pakiana:
Kay ano nga kinahanglan naton an Ginhadian han Dios?
Hin-o an Hadi han Ginhadian han Dios?
San-o mamandoan han Ginhadian han Dios an tuna?
Ano an bubuhaton han Ginhadian han Dios?
Kay ano nga angay naton suportaran yana an Ginhadian han Dios?
Ano an Ginhadian han Dios?
Bangin Maruyagan Mo Liwat
ESSENTIAL BIBLE TEACHINGS
Ano an Ginhadian han Dios?
Ha bug-os nga ministeryo ni Jesus, nagtutdo hiya mahitungod han Ginhadian han Dios hin mas agsob kay han iba nga topiko. Ha sulod hin mga katuigan na, an iya mga sumurunod nag-aampo nga umabot na ito nga Ginhadian.
BATON HA MGA PAKIANA MAHITUNGOD HA BIBLIA
Paonan-o Mag-aampo—An Amay Namon ba an Pinakamaopay nga Paagi hin Pag-ampo?
An pag-ampo ba nga Amay Namon amo la an ginkakarawat han Dios?
