Pero damu an nagruruhaduha nga makakab-ot nira an kabubuwason nga ira ginhihingyap. Nakita nira nga an tigda ngan diri ginlalaoman nga mga panhitabo—sugad han COVID-19 nga pandemya—nakagbag-o gud han pagkinabuhi han mga tawo, nakadaot han ekonomiya, ngan nagresulta pa ngani ha kamatay han damu. Salit nababaraka hira nga diri hira magkakaada mas maopay nga kabubuwason.

Tungod hito nga kawaray-kasigurohan, ginbibiling gud han mga tawo an maggigiya ha ira ha mas maopay nga kabubuwason. An pipira natapod ha diri nakikita nga mga pwersa sugad han kapalaran o swerte. Damu an naniniguro nga magkaada edukasyon ngan karikohan, kay naghuhunahuna hira nga maggagarantiya ito nga makukuha nira an ira karuyag. Para naman ha iba, an pagin maopay nga tawo amo la an kinahanglan basi magkaada maopay nga kinabuhi.

An bisan hain ba hito makakabulig ha imo nga makab-ot an kabubuwason nga imo ginhihingyap? Basi mahibaroan ito, tagda ini nga mga pakiana:

• Ha ano gud ba nakadepende an imo kabubuwason?

• An edukasyon ba ngan kwarta makakagarantiya hin mas maopay nga kinabuhi?

• An pagin maopay ba nga tawo maggagarantiya hin mas maopay nga kabubuwason?

• Diin ka makakabiling hin masasarigan nga giya para ha mas maopay nga kabubuwason?

Ini nga isyu han An Barantayan makakabulig ha imo nga mabilngan an mga baton.