Nasusubo an mga tawo kon an ira ginlalaoman nga masasarigan diri ngay-an masasarigan. Damu an waray na sumarig ha . . .

•   mga lider han politika nga ginhuhunahuna la an ira kalugaringon imbes an mga panginahanglan han mga tawo.

•   media kay an ira mga report may dinadapigan ngan diri tama.

•   mga scientist nga diri gin-uuna an kaopayan han mga tawo.

•   mga lider han relihiyon nga nasuporta gud ha politika imbes nga magin representante han Dios.

 Tama la nga magin mabinantayon an mga tawo kon hin-o an ira sasarigan. An Biblia nagpapahamangno:

•   “Ayáw kamo tapod han mga punúan; pinaagi la hin tawo waráy katalwasan.”—Salmo 146:3, An Baraan nga Biblia.

  Iginsusumat han Biblia nga hi Jesu-Kristo an usa nga imo masasarigan. Diri la hiya kay maopay nga tawo nga nabuhi damu ka siglo na an naglabay. Ginpili han Dios hi Jesus nga ‘magmando sugad nga Hadi . . , ngan magigin waray kataposan an iya Ginhadian.’ (Lucas 1:32, 33) Hi Jesus an Hadi han Ginhadian han Dios, usa nga gobyerno nga nagmamando na yana ha langit.—Mateo 6:10.

•   Basi mahibaro kon kay ano nga makakasarig ka kan Jesus, basaha an mga artikulo nga “Hin-o an Hadi han Ginhadian han Dios?” ngan “Ano an Bubuhaton han Ginhadian han Dios?”