Biernes, Pebrero 24, 2023, usa na ka tuig an naglabay han nagtikang an makangingirhat nga trahedya—an girra ha Ukraine. Sumala ha pipira nga report, mga 300,000 nga sundalo han Ukraine ngan Russia an namatay o nasamaran ngan mga 30,000 nga sibilyan an posible nga namatay tungod ha girra. Kondi an kabug-osan nga ihap bangin mas hitaas pa.

 Makasurubo, baga hin diri pa matatapos ini nga girra.

•   “Haros usa na ka tuig tikang han inatake an Russia ha Ukraine, ngan waray mga sinyales nga nagpapakita nga matatapos na ito. Baga hin waray nagdadaog ha ira nga duha, ngan waray nahihimo nga solusyon ha pakigmurayaw.”—NPR (National Public Radio), Pebrero 19, 2023.

 Damu nga tawo an nasusubo tungod han kasakit ngan pag-antos nga epekto hini ngan han iba pa nga girra nga nakakaapekto ha inosente nga mga tawo ha bug-os nga kalibotan. Ano nga paglaom an iginhahatag han Biblia? Matatapos pa ba an girra?

 An Biblia nagsusumat hin usa nga girra nga magtatalwas han katawohan, diri magbubungkag. Ini nga girra gintatawag nga Armagedon, ngan iginhulagway sugad nga “pakiggirra ha daku nga adlaw han Dios nga Makagarahum-ha-ngatanan.” (Pahayag 16:14, 16) Pinaagi hito, tatapuson han Dios an pagmando han tawo, nga hinungdan han makangingirhat nga mga girra. Basi mahibaroan kon paonan-o an Armagedon magriresulta hin nagpapadayon nga kamurayawan, basaha an masunod nga mga artikulo:

•   “Ano an Girra han Armagedon?”

•   “An Armagedon Maopay nga Sumat!”