Samtang nakanhi hi Jesus ha tuna, nagpakita hiya hin daku nga gugma ha mga tawo, labi na ha mga pobre ngan nagsasakit. (Mateo 9:36) Iya pa ngani iginhalad an iya kinabuhi para ha kaopayan han mga tawo. (Mateo 20:28; Juan 15:13) Diri na mag-iiha, papamatud-an utro niya nga hinigugma niya an mga tawo pinaagi ha paggamit han iya awtoridad ngan gahum sugad nga Hadi han Ginhadian han Dios basi wad-on an kapobrehan ha bug-os nga tuna.

 Pinaagi hin makaruruyag nga mga pulong, iginsasaysay han Biblia kon ano an bubuhaton ni Jesus:

•   “Iya unta depensahan an ubos nga mga tawo dida ha katawohan, iya unta talwason an mga anak han mga pobre.”—Salmo 72:4.

 Paonan-o naton maipapakita an aton apresasyon ha ngatanan nga kan Jesus ginbuhat ngan bubuhaton pa para ha aton? Ha mga pulong nga nakarekord ha Lucas 22:19, ginsidngan ni Jesus an iya mga sumurunod nga hinumdoman an iya kamatayon. Salit kada tuig, ha anibersaryo han iya kamatayon, an mga Saksi ni Jehova nagkakatirok. Gin-iimbitar ka namon nga umupod ha amon ha pagsaurog han Memoryal han kamatayon ni Jesus ha Domingo, Marso 24, 2024.

Pamiling hin Memoryal