Kailoa ia. Kote’uhi ’e foaki anai ki te toko lau ’i miliona haha’i ne’e kua mamate ka’e ne’e he’eki natou fakamo’oni kia Sehova, ia te fealagia ’ae ki te haofaki. ’E fakamahino mai ’i te Tohi-Tapu, ’i te malama fo’ou ’ae ne’e fakapapau mai e te ’Atua, “e i ai anai he toe tuuake o te kau agatonu mo te kau agahala.” (Gaue 24:15) Pea tahi, ’e kei ma’u pe e te toko lahi ia te fealagia ’ae ke natou tauhi ki te ’Atua pea mo natou ma’u te haofaki ’i te ka ha’u. Pea ko te haofaki ’o he tahi ’e fakalogo pe anai kia Sesu, kote’uhi ne’e foaki age e te ’Atua ia te fealagia ’aia.—Soane 5:22, 27.