ʼE tou tauhi kia Sehova mo ʼotatou tehina mo tuagaʼane, moka tou kau ki te ʼu fono, te ʼu fakatahi ʼo toe feia pe moka tou fai tatatou ako tokotahi peʼe fakafamili. Koʼeni he ʼu manatu ʼe feala ke ke vakaʼi moka ke fai tau ako tokotahi peʼe fakafamili:

• Teuteuʼi te ʼu fono. ’E feala ke ke hiva mo ako te ʼu katiko, peʼe ke tokoni ki tou famili ke natou teuteuʼi hanatou ʼu tali.

• Lau he fakamatala ʼi te Tohi-Tapu. Hili ʼaia, tohi te ako ʼae neʼe ke maʼu ʼi te fakamatala ʼaia.

• Lau he faikole ʼe tuʼu ʼi te Tohi-Tapu pea ke fakakaukauʼi pe ʼe feala ke tokoni feafeaʼi atu ke lelei age ʼau faikole.

• Sioʼi he ʼata viteo ʼi te jw.org pea faipalalau ki ai mo ʼihi peʼe tohi te ʼu meʼa ʼae neʼe malave kia koe.

• Teuteu ʼi muʼa ʼo tau alu ʼo faifakamafola. ʼE feala ke ke faʼifaʼitaki mo he tahi ʼo tou famili te ʼu palalau ʼae ka ke fai.

• Mamata ki te ʼu meʼa ʼae neʼe fakatupu e Sehova ʼo metitasio ki ai peʼe ke palalau ki te ʼu meʼa ʼae ʼe ke ako mai ai mo tou kiʼi famili. a