Pesalemo 83:1-18
Ko he hiva. Pesalemo ʼa Asafe.+
83 ʼAtua e, ʼaua naʼa ke fakalogologo,+ʼAtua e, ke ke palalau, ʼaua naʼa ke nofo noa.
2 Sio, ʼe gatutu ʼou fili,+ʼE fiatuʼu ia natou ʼae ʼe fehihiʼa kia te koe.
3 ʼE natou fai fakafufu he ʼu fakatuʼutuʼu kaka ki tau hahaʼi,ʼE natou fonofono ke natou fakafeagai kia natou ʼae ʼe maʼuhiga kia te koe.
4 ʼE natou ui: “Kotou ʼomai ke tou pulihi te puleʼaga ʼaia,+Ke ʼaua naʼa toe manatuʼi te higoa ko Iselaele.”
5 ʼE natou fakakaukauʼi fakatahi he puleʼaki,Neʼe natou fai he fuakava ʼo fakafeagai kia te koe:+
6 Ko te ʼu fale la ʼo Etome mo te kau Isemaele, mo Moape+ pea mo te kau Hakali,+
7 Mo Kepale, mo Amone+ pea mo Amaleke,Mo te fenua ʼo Filisitini+ pea mo te hahaʼi ʼo Tile.+
8 ʼE toe kau ia Asilia+ mo natou,ʼE natou lagolago ki te ʼu foha ʼo Lote.+ (Sela)
9 Fai kia natou te meʼa ʼae neʼe ke fai ki Matiane,+Ohage pe ko tau fai kia Sisela pea mo Sapini ʼi te Vai Tafe ʼo Kisone.+
10 Neʼe pulihi natou ʼi Ene-toli,+Neʼe natou liliu ko he meʼa fakagakokele.
11 Fai ki ʼonatou ʼaliki ohage pe ko tau fai kia Olepi mo Sepi,+Pea ki ʼanatou tama ʼaliki* ohage pe ko tau fai kia Sepaki mo Salamuna,+
12 Koteʼuhi neʼe ui e te ʼu fili: “Tou toʼo te fenua ʼae ʼe nofo ai te ʼAtua.”
13 Siʼoku ʼAtua, ke natou hage ko te vao talatala ʼae ʼe ʼave e te matagi,+Peʼe ko te luna moamoa moka viligia.
14 Ohage pe ko he afi ʼe ina tutu te vao matuʼaPeʼe ko he ʼu moʼuga ʼe manunu ʼi he kiʼi afi,+
15 Ke ke fakamatakuʼi natou ʼaki te afā,+ʼEi, ke ke fakamatakuʼi natou ʼaki te tuʼani matagi.+
16 Fakalainoaʼi natou,Sehova e, ke natou kumi ai tou huafa.
17 Ke natou lainoa mo matataku ʼo talu ai.Ke natou ufiufi mo mamate.
18 Ke iloʼi e te hahaʼi fuli ia koe ʼae ko tou huafa ko Sehova,+Ko koe tokotahi pe te Maʼoluga ʼi te kele katoa.+
Nota
^ Peʼe “ ʼonatou pule.”
