Salmu 23:1-6
Davihi nhoꞌre.
23 Uburé Danhibꞌapito, ĩte poneꞌẽrebâ ꞌmadâꞌâꞌwa.Marĩ zô ĩwi rowaptâꞌâ waihuꞌu õ di.
2 Ta hã te te ꞌre ĩnhimizusi, du iꞌuzéi pese wa, ꞌre ĩwaꞌutu mono da. rési ãna ꞌre isaꞌwari mono u te duré te te ꞌre ĩzaprõni.
3 Ta hã te apâ te te ꞌre ĩnhiptete uꞌâsi.Duré bâdâdi iꞌuwaibaba na si, te te ꞌre ĩzaprõni wẽ uꞌâsi, te te iropisutuzéb zarina.
4 Wa hã ẽtẽ nhiꞌriti ꞌre romharé na robra uptabi na ꞌre ĩne mono nherẽ, marĩ ma, ĩpahi waihuꞌu õ di, Uburé Danhibꞌapito a hã ĩsiré ꞌre aimorĩ wa.Robzahi wi, asiwazusizé hã te duré ĩꞌwawimhã ꞌre simapa.
5 Dasa isaꞌẽne hã te ĩma ꞌre iꞌaꞌmanharĩ uꞌâsi mo, ĩnhitobꞌru norĩ tõmo nhoꞌa hã.A hã te ĩpire na ꞌre ĩnhimizusi mo.Te duré ĩnhimihâsizé hã ĩma ꞌre iꞌmasisi mo, taré ꞌre ipuꞌu mono zéb u.
6 Tô ĩma waihuꞌu pese di, asimiꞌmanharĩ wẽ zé, duré asimizawizé hã za ĩꞌãma ꞌre ihâimana uꞌâsi zahuré mono na hã, ĩhâiba ré ꞌre ĩmorĩ ré hã.Duré Uburé Danhibꞌapito, asõrõwa ãma wa za õne uꞌâsi ꞌre ĩnhamra.
