Bonisa Uthando
Ingxaki
Ukuba nomkhethe akukhawulezi kuphele. Njengokuba kuthatha ixesha ukuphelisa isifo esithile, kuthatha ixesha nokuyeka ukuba nomkhethe. Ungenza njani ukuze uphelise umkhethe xa unawo?
Umgaqo WeBhayibhile
“Nxibani uthando, kuba lubamanyanisa ngokupheleleyo abantu.” —KOLOSE 3:14.
Ithetha ukuthini le nto? Ukwenzela abantu izinto ezintle kunokukwenza usondelelane nabo. Xa sibonisa abantu ukuba siyabathanda, umkhethe uya uphela kuthi. Xa uqhele ubonisa uthando ebantwini, uza kuyeka ukubacingela kakubi.
Into Onokuyenza
Cinga ngezinto ezintle onokubenzela zona abanye abantu abajongelwa phantsi. Akunyanzelekanga ibe zizinto ezinkulu. Nazi ezinye izinto onokuzenza:
Nantoni na oyenzayo ngothando, noba incinci kangakanani na, iza kukunceda ungabinawo umkhethe
Babonise imbeko ngokubavulela ucango nangokubancamela indawo ohleli kuyo emotweni xa nikhwele nonke.
Zama ukuncokola nabo ngento nje elula, noba abakaluqondi kakuhle ulwimi lwakho.
Ungakhawulezi ucaphuke xa besenza izinto ongaziqondiyo.
Zifake ezihlangwini zabo xa bekubalisela iingxaki zabo.
Mhlawumbi Ungayithanda Nale
UKUNCEDA ABANTU
Ukoyisa Ikhethe Ngemfundiso YeBhayibhile
AmaNgqina kaYehova akholelwa kwelokuba zonke iintlanga ziyalingana emehlweni kaThixo.
UVUKANI!
Amacebiso Anokusinceda Sibe Seluxolweni Nabanye
Zeziphi iimpawu ekufuneka sibe nazo ukuze sibe seluxolweni nabanye?
