Intshayelelo Yecandelo 9
Eli candelo lisifundisa ngabantu abasebatsha, abaprofeti nookumkani abaye banokholo kuYehova. ESiriya, intombazanana yomSirayeli yayinokholo lokuba umprofeti kaYehova wayeza kumphilisa uNahaman. Umprofeti uElisha wayeqinisekile ukuba uYehova uza kumkhusela kumkhosi owawufuna ukumbulala. UMbingeleli Omkhulu uYehoyada wabeka ubomi bakhe engozini ukuze akhusele uYehowashe omncinci kumakhulu wakhe owayekhohlakele, uAtaliya. UKumkani uHezekiya wayemthembile uYehova ukuba uza kuyikhusela iYerusalem, akazange oyikiswe yiAsiriya. UKumkani uYosiya wakuphelisa ukukhonzwa kwezithixo kwilizwe lakhe, walungisa itempile, waza wabuyisela uhlanga kwindlela efanelekileyo yokukhonza uThixo.
KWELI CANDELO
ISIFUNDO 51
Ijoni Nentombazana Encinane
Intombazanana engumSirayeli ixelela inkosazana ngamandla kaYehova—imiphumo iyamangalisa.
ISFUNDO 52
Umkhosi KaYehova Womlilo
Indlela isicaka sikaElisha esabona ngayo ukuba ‘baninzi abakunye nabo kunabakunye namaSiriya.’
ISIFUNDO 53
UYehoyada Waba Nesibindi
Umbingeleli othembekileyo uba nesibindi nxamnye nokumkanikazi ombi.
ISIFUNDO 54
UYehova Waba Nomonde KuYona
Umprofeti kaThixo waginywa njani yintlanzi enkulu? Waphuma njani kuyo? UYehova wamfundisa siphi isifundo?
ISIFUNDO 55
Ingelosi KaYehova Ikhusela UHezekiya
Iintshaba zamaYuda zithi uYehova akasoze abakhusele abantu bakhe, ziyaxoka!
ISIFUNDO 56
UYosiya Wayewuthanda UMthetho KaThixo
UYosiya waba ngukumkani eneminyaka eyi-7, wanceda abantu bakhonza uYehova.
