Iitshomi zingasinceda sonwabe size siphumelele ebomini. Iitshomi ziyasinceda size sibe ngabantu ababhetele.—IMizekeliso 27:17.

 Nangona kunjalo, iBhayibhile isixelela ngokubaluleka kokuzikhetha kakuhle iitshomi. Iyasilumkisa ngezinto ezinokwenzeka kuthi xa sikhetha iitshomi ezingalunganga. (IMizekeliso 13:20;1 Korinte 15:33) Iitshomi ezinjalo zinokubangela ukuba senze izigqibo zobudenge okanye zimoshe iimpawu ezintle esinazo.

Kweli nqaku

•  Injani itshomi elungileyo?

•  Yeyiphi eminye imizekelo yeetshomi ezilungileyo efumaneka eBhayibhileni?

•  Ngaba umntu angaba ngumhlobo kaThixo?

•  Iivesi zeBhayibhile ezithetha ngootshomi

 IBhayibhile ifundisa ukuba akunyanzelekanga ukuba iitshomi ezilungileyo zithande okanye zenze izinto ezifanayo. Ngokomzekelo, iNdumiso 119:63 ithi:“Ndingumhlobo wabo bonke abo bakoyikayo a nowabo bagcina imiyalelo yakho.” Qaphela ukuba umbhali weBhayibhile uthi wakhetha iitshomi ezikoyikayo ukungathembeki kuThixo nezifuna ukuphila ngendlela ayifunayo.

 IBhayibhile isichazela iimpawu ekufuneka itshomi elungileyo ibe nazo. Ngokomzekelo:

•   “Umhlobo wokwenene uthanda ngamaxesha onke ibe ungumzalwana onokuthembela kuye ngamaxesha anzima.” —IMizekeliso 17:17.

•   “Kukho abantu abakulungeleyo ukutyumzana, kodwa kukho umhlobo osondela ngaphezu komntakwenu.”—IMizekeliso 18:24.

 Ezi vesi zeBhayibhile zisifundisa ukuba itshomi elungileyo inothando yaye inobubele. Itshomi elungileyo singayithemba ukuba inako ukusinceda xa sineengxaki. Itshomi elungileyo inokuba nesibindi sokusixelela xa sisenza isigqibo esingalunganga. —IMizekeliso 27:6, 9

 IBhayibhile inemizekelo yabantu abaneminyaka eyahlukileyo, abaneemvelaphi ezahlukeneyo nabanamagunya awahlukeneyo. Jonga le mizekelo mithathu ilandelayo

•   URute noNahomi. URute wayengumolokazana kaNahomi yaye babeshiyana kakhulu ngeminyaka. Ukongezelela, uRute noNahomi babeneemvelaphi ezingafaniyo. Nangona kukho lo mahluko babesondelelene bengabahlobo abathandanayo.—Rute 1:16.

•   UDavide noYonatan. Nangona uYonatan wayemshiya ngeminyaka eyi-30, iBhayibhile ithi ‘babengabahlobo abasenyongweni.’—1 Samuweli 18:1.

•   UYesu nabapostile bakhe. UYesu wayemkhulu kubapostile bakhe. (Yohane 13:13) Akazange acinge ukuba abanokuba ngabahlobo bakhe. Kodwa, uYesu wayesondelelene nabo babemamela iimfundiso zakhe. Wathi: “Ndinibiza abahlobo bam kuba ndinixelele yonke into endiyixelelwe nguTata.”— Yohane 15:14, 15

 Ewe, abantu bangangabo abahlobo bakaThixo. IBhayibhile ithi: “Ungumhlobo osenyongweni walowo wenza izinto ezintle.” (IMizekeliso 3:32) Ngamanye amazwi, uThixo uba yitshomi yabantu abathembekileyo abazimisela ukuphila ngendlela ayifunayo. Ngokomzekelo, indoda eyayithembekile uAbraham ibizwa ngokuba ngumhlobo kaThixo eBhayibhileni. —2 Kronike 20:7; Isaya 41:8; Yakobi 2:23.