დღას ქოჸოფენო, ნამდა ნაგურეფუქ ხეთე გუგოჭყორდჷ? მინშა თენა არძას მაღოლენა. მუ მიმეხვარებუნა უჯგუშო დამახსოვრებას? მთავარ აზრეფიშ გამეორება.

კითხირიშ დროს მინშა გაჩენდ დო ქიდეკვირ მთავარ აზრეფს. დეკვირ, მუჭო მეხვარ პავლექ და დო ჯიმალეფს, მუშ ჩიებაშ მთავარ აზრის ქინანჭესკო. ჩიებაშ ბოლოს თინა ურაგად, „თეშ რაგად მოკონა“ დო უკულ აკოძინუნს მუშ ნარაგადის (ებრ. 8:1). თეშნერო პავლექ ქიმეხვარ თინეფს, ქიმეხვადესკო, მუშ რაგად ოკოდ თის, დო ქოძირესკო, მუჭო რდჷ დაკავშირებულ ართიანწკუმა თი ირფელ, მუდგაშეთ იჩუ.

შეილებ კითხირიშ ბოლოშო ქიკნიტუე ართ ვით წუთ, ნამდა დეფიქრე მთავარ აზრეფშე. აზრეფქ ვაგგაშინ-და, ქიგნაჯინ ქვესათაურეფს ვარდა მთავარ წინადადებეფს, ნამუთ ხშირას აბზაციშ დაჭყაფუს რე მოჩამილ. კითხირიშ დროს მუდგაინ ახალ აზრ ქიგეგ-და, სქან სიტყვეფით გენწყჷ, ნამდა უჯგუშო ქიდგემახსოვრას. მთავარ აზრეფიშ გამეორება ქოთ უჯგუშო დამახსოვრებას მიგეხვარებ დო ქოთ ნაგურეფუშ ცხოვრებას გიმორნაფას.