ამდღა ართიანიშ პატიცემა ჭიე-ჭიეთ დინუ. უხეშ პატიენტეფ უღვარანა ექიმეფს, რესტორანიშ ნამთინე მინჯე ოჩხუპ დაქირებულ თანამშრომელეფს, უდუჯერებელ მგზავრეფ შეურაცხყოფას მიორინუანა ბორტგამცილებერეფს, უზრდელ ბაღანეფ გიაძიცენა, ორქცინანა დო კანკალეშა დუდის ხოლო გიანთხუნა მასწავლეებერეფს, ნამთინე პოლიტიკოს სკანდალურ მუდგარენეფს ორთჷ, ვარინ თე დროს, შხვა პოლიტიკოსეფ ოცადნა თის გუსვან ხაზ, მუჭო გიმირჩქინანა პატიცემას.

 ბიბლიას მოჩამილ რე, სინამდვილეს მუ ითვალუ პატიცემაშ გიმორჩქინათ. თექ თინა ხოლო რე ენწყუმილ, მუშენ რე ამდღე პატიცემაშ სინაკლებე.

 პატიცემა რე საქციელ, ნამუთ რე ჯგირ, მორალურო სწორ დო საზოგადოებას მეღებულ რენ ფერ. მთელ მსოფლიოს ამდღა თეცალ საქციელიშ სინაკლებე რე.

•   ამარდე ჩატარებულ „გელლაპიშ“ გამოკითხვაშ შედეგო, შეერთებულ შტატეფს მახორუ ხალხიშ აზრით, მორალურ ფასეულობეფ ასე უმოს დაბალ რე, ვინემ 22 წანაშ წოხოლე რდჷ.

•   ჩეტარ ხოლო ართ გამოკითხვაქ მსოფლიოშ 28 ქიანას, სოდეთ 32 000 კოჩ გიმოკითხეს. 65 პროცენტიქ თქუ, ნამდა ამდღა ადამიანეფ თიცალ უპატიცემლობას გიმირჩქინანა ართიანიშ მიმართ, მუნერით აიშახ დღას ვა ჸოფე.

 ბიბლიაქ იწინასწარმეტყველ თე ირფელ, მუდგას ამდღა ვორწყეთ.

•   „გიჩქუდას, ნამდა ბოლო დღალეფს ძნელ გარზებელ დრო დოდირთუ. ხალხ იჸუაფ დუდიშ მოჸოროფე, ფარაშ მოჸოროფე, მუშ დუდშა მაცქვაფარ, ამაყ, ღორონთიშ მალანძღარ, მშობლეფიშ უდუჯერებელ, უმარდულ,.. სასტიკ [დო] ჯგირ ჯოგუნ ფერ“ (2 ტიმოთე 3:1—3).

 უმოს მეტიშ გაგებელო მუჭო ისრულებ თე წინასწარმეტყველება, ქოძირით სტატია „ წინასწარმეტყველენს დო ვარ ბიბლია, მუნერ აზროვნება დო საქციელ აღვენუდეს ადამიანეფს ამდღა?“ [ქორთ.]

 მსოფლიოს სოდეთ პატიცემაშ სინაკლებე რე, მილიონობით კათას მიორჩქ, ნამდა ბიბლია პატიცემაშ გიმორჩქინაშო არძაშ უჯგუშ რჩევეფს ირზენს. თიშ რჩევეფ „ირო სანდო რე, მუჭოთ ამდღა თეშ მარადიულო“ (ფსალმუნი 111:8). ქობძირათ თეშ მუსხირენ მაგალით:

•   მუს იჩიებ ბიბლია: „ათეშენ ირ საქმეს თეშ მექცით შხვეფს, მუჭოთ აშო გოკონა, მიგექცუან“ (მათე 7:12).

   მუს ნიშნენს თე სიტყვეფ: ჩქი ხოლო შხვეფს ჯგირო დო პატიცემათ ოკო მივექცუათ, თეშ, მუჭოთ ჩქი მოკონა მიმექცუან.

•   მუს იჩიებ ბიბლია: „ათეშენ, რახანს ტყურეფ ჩეთხინეთ, თითოულქ მოყვასის სიმართლე ეჩუას“ (ეფესოელები 4:25).

   მუს ნიშნენს თე სიტყვეფ: ჩქინ სიტყვეფშე დო საქმეეფშე ოკო იძირედას, ნამდა პატიოსნებას გიმიბრჩქინანთ.

 თე საკითხშე უმოს მეტ ინფორმაციაშ მიოღებელო ქოძირით შხვა სტატიეფ:

•   „გინაჯინალ კოშკიშ“ ნომერ სათაურით: „მუჭო გიშეფჩინათ სწორ დო არასწორ?“ [ქორთ.].

•   სტატია „ ტოლერანტობა — მუჭო შეულებ ბიბლიას მიმეხვარან.“