ადამ დო ევას ქეშეძინეს სკუალეფქ დო დედამიწას გემრავლ ხალხიქ. გარკვეულ დროშ უკულ, ზოგიერთ ანგელოზიქ მოჯანყე სატანაშ მხარე ქიდეკინ.

თინეფქ დედამიწაშა გეგმორთეს, ხორციელ სხეულ მიღეს დო ოსურეფ ქიმიუნეს. თინეფს ქეშეძინეს ზეადამიანურ ძალაშ მქონე სკუალეფქ. თე ანგელოზეფ სასტიკეფ დო ძლიერეფ რდეს.

ქიანას ბოროტ ხალხიქ გემრავლ. ბიბლიას ინოჭარუ: „გემრავლ ქიანას ბოროტებაშ მაკეთებელ ხალხიქ დო თინეფიშ გურს ირო ბოროტება რდუ“.

ნოე ჯგირ კოჩი რდუ. იეჰოვაქ უწუ თის, წარღვნა იჸუაფუდ ქიანას დო ბოროტ ხალხ გენადგურებუდ.

ღორონთიქ ნოეს უწუ, აუშენებუდუკო კიდობან, ნამუთ დიდ გემიშ მადიდა იჸუაფუდ. ნოექ თექ ოკო გემნიუნუკო მუშ ოჯახის წევრეფ დო არძანერ ცხოველ.

ნოე აფრთხილენდ ხალხის მოსალოდნელ წარღვნაშე, მარა თინეფ ვაურჩქილედეს. მინ გიაძიცენდ ნოეს, მინს ხოლო ჯოგუდ.

გეთუ კიდობანიშ აშენებაქნ, ნოექ თექ ცხოველეფ გემნიუნ.