“Uchimwene Wawo Uyiche”—Lipopelo Lyakusapopelaga Ŵandu Ŵajinji
Ana pakwete papopesile kuti Uchimwene wa Mlungu uyiche? Kwa yaka yejinji, ŵandu aŵele ali mkuwilisya maloŵe gakuti, “Uchimwene wawo uyiche.” Ana ligongo chichi akusawilisyaga maloŵega? Ligongo lyakuti Yesu ŵasalile ŵakumkuya ŵakwe kuti apopeleje ya Uchimwene wa Mlungu.
Pandanda, ŵakumkuya ŵa Yesu nganapikanichisyaga yindu yosope yene yaŵasalaga Yesu yakwamba Uchimwene. Pandaŵi jine ŵanduŵa ŵam’wusisye jwalakwe kuti, “Ambuje, ana sambano jino ni ndaŵi jakuti awuchisye Uchimwene kwa Aisalaeli?” Jemanjaji ŵasimonjile mnope ligongo Yesu nganasala ndaŵi jisyesyene jawuchiyika Uchimwenewu. (Masengo 1:6, 7) Ana yeleyi yikugopolela kuti nganituŵa tumanyilile yakwamba Uchimwene wa Mlungu soni ndaŵi jawuchiyika? Iyayi.
Ngani syasili m’magasiniji, chisyakamuchisye kupata kwanga kwa yiwusyo ayi:
Ligongo chichi tukusosechela Uchimwene wa Mlungu?
Ana Mwenye jwa Uchimwene wa Mlungu ali ŵani?
Ana Uchimwene wa Mlungu uchitanda chakachi kulamulila pachilambopa?
Ana Uchimwene wa Mlungu uchitenda yamtuli?
Ligongo chichi tukusosekwa kamuchisya nawo pa masengo ga Uchimwene wa Mlungu?
Ana Uchimwene wa Mlungu uli chichi?
You May Also Like
ESSENTIAL BIBLE TEACHINGS
Ana Uchimwene wa Mlungu Uli Chichi?
Pa utumiki wakwe wosope, Yesu ŵajiganyisye mnope ngani jakwamba Uchimwene wa Mlungu kupunda ngani sine. Kwa yaka yejinji ŵandu aŵele ali mkuwupolela Uchimwenewu kuti uyiche.
