Sáàmù 6:1-10
Sí olùdarí; kí a kọ ọ́ pẹ̀lú àwọn ohun ìkọrin olókùn tín-ín-rín tí a yí sí Ṣẹ́mínítì.* Orin Dáfídì.
6 Jèhófà, má ṣe bá mi wí nínú ìbínú rẹ,Má sì tọ́ mi sọ́nà nínú ìrunú rẹ.+
2 Ṣojú rere sí mi,* Jèhófà, nítorí ó ti ń rẹ̀ mí.
Wò mí sàn, Jèhófà,+ nítorí àwọn egungun mi ń gbọ̀n.
3 Bẹ́ẹ̀ ni, ìdààmú ti bá mi* gidigidi,+Torí náà, mò ń bi ọ́, Jèhófà, ìgbà wo ló máa dópin?+
4 Pa dà, Jèhófà, kí o sì gbà mí* sílẹ̀;+Gbà mí là nítorí ìfẹ́ rẹ tí kì í yẹ̀.+
5 Nítorí òkú kò lè sọ nípa* rẹ;Àbí, ta ló lè yìn ọ́ nínú Isà Òkú?*+
6 Àárẹ̀ ti mú mi nítorí ẹ̀dùn ọkàn mi;+Láti òru mọ́jú ni omijé mi ń rin ibùsùn mi gbingbin;*Ẹkún mi ti fi omi kún àga tìmùtìmù mi.+
7 Ìbànújẹ́ ti sọ ojú mi di bàìbàì;+Ojú mi ti ṣú* nítorí gbogbo àwọn tó ń halẹ̀ mọ́ mi.
8 Ẹ kúrò lọ́dọ̀ mi, gbogbo ẹ̀yin tó ń hùwà burúkú,Nítorí pé Jèhófà yóò gbọ́ igbe ẹkún mi.+
9 Jèhófà yóò gbọ́ ẹ̀bẹ̀ mi fún ojú rere;+Jèhófà yóò dáhùn àdúrà mi.
10 Ojú á ti gbogbo àwọn ọ̀tá mi, ìdààmú á sì bá wọn;Ìtìjú òjijì á mú wọn sá pa dà.+
Àlàyé Ìsàlẹ̀ Ìwé
^ Wo Àlàyé Ọ̀rọ̀.
^ Tàbí “Ṣàánú mi.”
^ Tàbí “ọkàn mi.”
^ Tàbí “ọkàn mi.”
^ Tàbí “rántí.”
^ Tàbí “Ṣìọ́ọ̀lù,” ìyẹn ibojì aráyé. Wo Àlàyé Ọ̀rọ̀.
^ Ní Héb., “ń mú kí ibùsùn mi lúwẹ̀ẹ́.”
^ Tàbí “gbó.”
