O lè wo fídíò èyíkéyìí, wàá sì lè dá a dúró, dá a pa dà sẹ́yìn, sún un síwájú tàbí kó o bọ́ sí èyí tó kàn. O lè wo fídíò kan ṣoṣo tàbí kó o wo gbogbo fídíò tó wà ní ìsọ̀rí kan.

(Àkíyèsí: Rìmóòtù Roku tìẹ lè yàtọ̀ sí èyí tó wà nínú ìdálẹ́kọ̀ọ́ yìí.)

•  Wá Fídíò, Kó O sì Wò Ó

•  Ṣe Fídíò Bó O Ṣe Fẹ́

•  Wo Fídíò Tó Wà Tàbí Fídíò Tó Ṣẹ̀ṣẹ̀ Dé

Tẹ Video Categories lókè kó o lè rí àwọn ìsọ̀rí fídíò tó wà. Fi rìmóòtù lọ síbi tó o fẹ́. Kó o wá tẹ OK kó o lè yan èyí tó o bá fẹ́.

Àwọn fídíò kan wà tí wàá rí lábẹ́ ìsọ̀rí tó ju ẹyọ kan lọ. Bí àpẹẹrẹ, wàá rí fídíò Ọmọ Onínàákúnàá Pa Dà Wálé ní Fídíò, Ìdílé àti Àwọn Ọ̀dọ́.

Tẹ́ bọ́tìnì Shuffle kó o lè máa wo àwọn fídíò tó wà ní ìsọ̀rí kan lọ́kan-ò-jọ̀kan.

Oríṣiríṣi àkójọ fídíò ló wà ní ìsọ̀rí kọ̀ọ̀kan. Wàá rí àwọn fídíò tó wà lábẹ́ ìsọ̀rí kan ní ọ̀wọ́ kan. Àkọlé ìsọ̀rí náà sì máa wà lókè ẹ̀.

Fi rìmóòtù ẹ wá ìsọ̀rí tó o fẹ́:

• Up àti Down: Lọ sí ìsọ̀rí tó o fẹ́.

• Left àti Right: Wo àwọn fídíò tó wà ní ìsọ̀rí kan.

Ọ̀nà méjì lo lè gbà wo gbogbo fídíò tó wà ní ìsọ̀rí kan:

• Tẹ bọ́tìnì Gbádùn Gbogbo Ẹ̀ kó o lè wo gbogbo fídíò tó wà ní ìsọ̀rí kan, bẹ̀rẹ̀ látorí àkọ́kọ́.

• Tẹ bọ́tìnì Shuffle kó o lè máa wo àwọn fídíò tó wà ní ìsọ̀rí kan lọ́kan-ò-jọ̀kan.

Àkíyèsí: Tó o bá ti wo gbogbo ẹ̀ tán, ó máa dáwọ́ dúró.

Yan fídíò kan kó o lè rí Video Details. Tẹ ìkan lára àwọn bọ́tìnì yìí tó yọ lójú tẹlifíṣọ̀n rẹ:

• Pa Dà Bẹ̀rẹ̀: Ìgbà tó o máa rí eléyìí ni tó o bá ti ń wo fídíò kan lọ tẹ́lẹ̀ àmọ́ tó o wá dá a dúró. Tó o bá tẹ̀ ẹ́, ó máa pa dà bẹ̀rẹ̀ fídíò náà níbi tó o gbọ́ ọ dé.

• Gbádùn Ẹ̀ tàbí Gbádùn Ẹ̀ Látìbẹ̀rẹ̀: Fídíò náà máa bẹ̀rẹ̀ látìbẹ̀rẹ̀.

• Fi Àkọlé Hàn: Wàá rí eléyìí tó bá ṣẹlẹ̀ pé fídíò náà ní àkọlé. Tó o bá tẹ̀ ẹ́, ó máa gbé àkọlé fídíò náà wá bó o ṣe ń wò ó, ó sì máa gbé àkọlé wá fún gbogbo fídíò (ìyẹn fún fídíò tó bá ní àkọlé). Tó ò bá fẹ́ àkọlé, tẹ Gbádùn Ẹ̀ Láìsí Àkọlé.

• Gbádùn Gbogbo Ẹ̀: Wàá lè wo gbogbo fídíò tó wà ní ìsọ̀rí yẹn, bẹ̀rẹ̀ látorí àkọ́kọ́. Tó o bá ti wo gbogbo ẹ̀ tán, ó máa dáwọ́ dúró.

Ọ̀wọ́ fídíò tó wà nísàlẹ̀ Video Details ni àwọn fídíò míì tó wà ní ìsọ̀rí tó o wà. Tẹ Down kó o lè lọ sí ìsọ̀rí yẹn, tàbí kó o tẹ Up kó o lè pa dà sí Video Details.

Tó o bá ń wo fídíò kan lọ́wọ́, o lè fi rìmóòtù ẹ ṣe é bó o ṣe fẹ́:

• Gbádùn Ẹ̀/Dúró Ná: Wàá lè dá fídíò náà dúró. Tó o bá tún tẹ bọ́tìnì yẹn kan náà, ó máa bẹ̀rẹ̀ pa dà.

• Ọ̀tún: Ó máa sún fídíò náà síwájú díẹ̀. Tó o bá tẹ bọ́tìnì yẹn mọ́lẹ̀, ó máa sáré sún un síwájú dáadáa. Tó bá ti débi tó o fẹ́, tẹ bọ́tìnì Play tàbí OK.

• Sún Un Síwájú: O lè fi sún fídíò náà síwájú. Tó bá ti débi tó o fẹ́, tẹ bọ́tìnì Play tàbí OK.

• Òsì: Ó máa sún àtẹ́tísí náà sẹ́yìn díẹ̀. Àmọ́ tó o bá tẹ bọ́tìnì yẹn mọ́lẹ̀, ó máa sáré sún un sẹ́yìn dáadáa. Tó bá ti débi tó o fẹ́, tẹ bọ́tìnì Play tàbí OK.

• Sún Un Sẹ́yìn: O lè fi sún fídíò náà sẹ́yìn. Tó bá ti débi tó o fẹ́, tẹ bọ́tìnì Play tàbí OK.

• Back: Pa dà sí Video Details.

Ní ìbẹ̀rẹ̀ JW Broadcasting, wàá rí ìsọ̀rí méjì pàtàkì níbẹ̀:

1. Àwọn Ohun Tó Wà: Àwọn fídíò tó fani lọ́kàn mọ́ra, bí àwọn èyí tá a máa ń wò nípàdé wa àárín ọ̀sẹ̀ tàbí nígbà ìjọsìn ìdílé.

2. Àwọn Fídíò Tó Ṣẹ̀ṣẹ̀ Dé: Àwọn fídíò tó ṣẹ̀ṣẹ̀ dórí ìkànnì.