Adão asui Eva ta uriku ta raira-ita asui uyumusiya mira-ita iwí upé. Yepé-yepé anju-ita ta uyumuatiri Yurupari irumu asui ta uiyé iwí kiti.

Kuá anju-ita ta uyeréu maié mira-ita yaué, asui ta umendari kunhã-ita irumu, asui ta uriku ta raira-ita. Ta raira-ita uyukirari turusu asui kirimbaua piri mira-ita sui, asui puxiuera ta rikusá.

Kuá mundu uyumuteresému mira-ita irumu umunhaua-ita puxiuera. Bíblia unheẽ Noé tempo ramé, muiri ara mira-ita anhu ta umanduari ta umunhã maã puxiuera uaá.

Noé yepé apigaua puranga. Jeová umbeu Noé supé Aé usu arama umbaua mira-ita puxiuera uaá ta rikusá amanauasu irumu.

Deus umbeu Noé supé umunhã arama yepé lanchauasu, isera uaá arca, usalvari arama ianama asui suú-ita.

Mira-ita ti usendu mairamé Noé umbeu aintá supé usika arama yepé Dilúvio, uári arama amana até umuyapumi iwí. Ta upuká Noé resé amu-ita ta upiaíua irumu.

Umunhã paua riré kuá lanchauasu, umuiké suú-ita asui ianama-ita ikuara upé.