Miraitá ta umanduári amurupité kawĩ resé. Yepeyepé amuramé ta ugustari ta uú kawĩ ta rumuaraitá irum. Amuitá ti ta uú ne maã, asuí yepeyepé ta uú kawĩ até ta upitá kawera. Maã Bíblia umbeu kawĩ resé?

1. Ti yapoderi será yauú kawĩ?

Bíblia ti umbeu ti yapoderi yauú kawĩ. Aé umbeu “o vinho, que alegra o coração do homem”, yepé maã purangawaá Deus umeẽwaá yandé arama. (Salmuitá 104:14, 15) Bíblia umbeu yepeyepé Deus miraitá kuxiíma ta uú kawĩ. — 1 Timóteo 5:23.

2. Maã Bíblia umbeu awá supé uparawaka uú kawĩ?

Jeová umbeu ti satambika yauú retana kawĩ asuí yapitá kawera. (Galasiawaraitá 5:21) Bíblia umbeu: “Não esteja entre os que bebem muito vinho.” (Provérbiuitá 23:20) Ape, sá yaparawaka yauú kawĩ, ti yapoderi yauú retana, até yaikú ramé yané pesúa. Sá yauú retana kawĩ ti yasú yamanduári puranga ne yapoderi yacontrolari maã yakuntari ne maã yamuñhã. Asuí sá yauú retana kawĩ, kuá upoderi umupuxiwera yané saúde. Sá ti yaconseguiri yacontrolari muíri kawĩ yauú, puranga piri yapituú yauú kawĩ.

3. Mayé yapoderi yarespeitari maã amuitá ta uparawaka?

Muíri mira urikuté uparawaka sá usú uú kawĩ u umbaá. Ti yapoderi yambeu puxiwera yepé mira resé uparawakawaá uú kuaíra kawĩ. Ti yapoderi yuíri yaforçari yepé mira uú arama kawĩ. (Romawaraitá 14:10) Asuí ti yauú kawĩ sá amuitá ta umaã puxiwera yamuñhã kuayé. (Releri Romawaraitá 14:21.) Yandé ‘ti yasikari yamuñhã puranga yandé arama pawaté, ma yasikari yamuñhã puranga aintá supé amuitá’. — Releri 1 Korintowaraitá 10:23, 24.

 REYUMBUÉ PIRI ARAMA

4. Reparawaka sá resú reuú kawĩ u umbaá

Maã Jesus umanduári kawĩ resé? Yepesá milagre Jesus umuñhãwaá uajudari yakuá kuá resé. Peleri João 2:1-11. Ariré pekuntari kuá resé:

• Mayé kuá Jesus milagre uajudari yakuá maã aé umanduári (1) kawĩ resé asuí (2) awá resé uparawaka uú kawĩ?

• Jesus ti umbeu ti yapoderi yauú kawĩ. Ape, mayé cristãoitá ta urikuté ta umaã awá uparawaka uú kawĩ?

Será añhũ yapoderi resewara yauú kawĩ yarikuté yauú? Peleri Provérbiuitá 22:3. Ariré pekuntari sá puranga indé reuú kawĩ usasá ramé kuayé:

• Resú rerasú yepé carro, moto u igara, u resú reusari yepé máquina.

• Reikú ne puruã.

• Yepé médico umundú ti reuú kawĩ.

• Indé ti reyucontrolari reuú ramé kawĩ.

• Aikué yepé lei tiwaá uxari yauú kawĩ.

• Reikú ramé yepé mira irum tiwaá uputari uú kawĩ ñhãsé uú retana kuera kawĩ ma kuíri upituú.

Será puranga remeẽ kawĩ miraitá supé yepé mendarisá festa upé u amú festa upé? Maã upoderi uajudari reparawaka arama? Pemaã kuá VÍDEO.

Peleri 1 Pedro 4:2,3 asuí 1 Korintowaraitá 10:31, 32. Ariré pekuntari kuá resé:

• Mayé kuá versículoitá ta upoderi ta uajudari indé reparawaka maã usú umusurí Jeová?

 5. Reparawaka puranga muíri kawĩ resú reuú

Sá indé resú reuú kawĩ, remanduári kuá resé: Jeová uxari yauú kawĩ, ma aé ti uputari yepé mira uuwaá retana kawĩ. Marã? Peleri Oseia 4:11, 18. Ariré pekuntari kuá resé:

• Maã upoderi usasá mairamé yepé mira uú retana kawĩ?

Yarikuté yakuá até mamé yapoderi yasika. Maã usú uajudari ti arama yauú retana kawĩ? Peleri Provérbiuitá 11:2. Ariré pekuntari kuá resé:

• Marã puranga yamanduári isunderé muíri kawĩ yasú yauú?

6. Maã upoderi uajudari awá uú retana kawĩ?

 MAÃ REYUMBUÉ

Kawĩ aé yepé maã purangawaá Deus umeẽ yandé arama, ma aé umbeu ti satambika yauú retana kawĩ asuí yapitá kawera.

Remanduári arama

• Maã Bíblia umbeu kawĩ resé?

• Marã ti puranga yauú retana kawĩ?

• Mayé yapoderi yarespeitari maã amuitá ta uparawaka?