Tiʼ tuláakal yóokʼol kaabeʼ yaʼab máak táan u muʼyaj yoʼolal le sen ooxol ku beetkoʼ, lelaʼ yáax juntéen u jach uʼuyaʼal beyoʼ. Tsʼoʼoleʼ táan u sen ilaʼal nukuch loobiloʼob ikil u sen kʼexpajal le climaoʼ. Bey u yeʼesik le informeʼobaʼ:

•    «Le junio manikaʼ letiʼe mes maas píitmáan u yuʼubaʼal ooxoloʼ. Desde káajak u pʼiʼisil le clima walajki 174 añosaʼ yáax u yuʼubaʼal jach fuerte le ooxoloʼ» (Oficina Nacional de Administración Oceánica y Atmosférica, Departamento de Comercio de Estados Unidos, 13 tiʼ julio tiʼ 2023).

•    «Tu luʼumil Italia, España, Francia, Alemania yéetel Poloniaeʼ táan u sen beetik ooxol. Ku tuklaʼaleʼ tu islailoʼob Sicilia yéetel Cerdeñaeʼ yaan u chukik 48 grados. Yáax juntéen u jach uʼuyaʼal le sen ooxol tu luʼumiloʼob Europaoʼ» (Agencia Espacial Europea, 13 tiʼ julio tiʼ 2023).

•    «Jeʼex u bin u maas chokotal le Luʼumaʼ bey xan kun bin u maas kʼáaxal le cháakoʼ yéetel yaʼab tuʼuxoʼob kun sen búulul» (Stefan Uhlenbrook, director de la Sección de Hidrología, Recursos Hídricos y Criosfera de la Organización Meteorológica Mundial, 17 tiʼ julio tiʼ 2023).

 ¿Ka chiʼichnaktal wa ken a u wuʼuy u yaʼalaʼal táan u peortal le climaoʼ? Ilawil baʼax ku yaʼalik le Biblia yoʼolal leloʼ.

 Ku yaʼalik. Le sen ooxol ku yuʼubaʼaloʼ bey xan le uláakʼ baʼaloʼob ku yúuchul yoʼolal le climaoʼ táakaʼanoʼob ichil le baʼaloʼob ku yaʼalik le Biblia kun úuchloʼob teʼ kʼiinoʼobaʼ. Por ejemploeʼ, Jesúseʼ tu yaʼaleʼ yaan «u yúuchul baʼaloʼob ken u beet u sen jaʼakʼal u yóol máak» (Lucas 21:11). Yaʼab máakoʼobeʼ jach saajkoʼob ikil u yilkoʼob bix u bin u maas peortal le climaoʼ yéetel saajkoʼob xan ka maas kʼaskúuntaʼak le Luʼum tumen wíinikoʼ.

 Maʼ. Dioseʼ tu beetaj le Luʼum utiaʼal ka kajlak wíinik utiaʼal mantatsʼiʼ yéetel maʼ ken u chaʼa u xuʼulsaʼal (Salmo 115:16; Eclesiastés 1:4). Letiʼeʼ u yaʼalmeʼ yaan u kʼuchul u kʼiinil u «xuʼulsik tiʼ le máaxoʼob táan u kʼaskúuntikoʼob le luʼumoʼ» (Apocalipsis 11:18).

 Le Bibliaoʼ ku yaʼalikeʼ Dioseʼ yaantiʼ u páajtalil utiaʼal u kanáantik le Luʼumaʼ yéetel maʼ ken u chaʼa u xuʼulsaʼal.

•    «[Dioseʼ] ku beetik u jéetsʼel le kʼaʼamkach iikʼoʼ, le oʼolal ku jéetsʼel u olasil le kʼáaʼnáaboʼ» (Salmo 107:29). Dioseʼ yaantiʼ u páajtalil u controlartik le baʼaxoʼob u beetmoʼ. Le oʼolal jeʼel u páajtal u xuʼulsik le muʼyajil ku yantal yoʼolal le clima tsʼoʼok u jach peortaloʼ.

•    «Ka kanáantik le luʼumoʼ, ka beetik u pʼáatal jach maʼalob utiaʼal u sen tsʼáaik u yich» (Salmo 65:9). Maʼ kun xáantaleʼ Dioseʼ yaan u sutik paraísoil le Luʼumaʼ.

 Utiaʼal a wojéeltik u maasil yoʼolal bix ken u yutskíintil Dios le climaoʼ ilawil le xook «¿Máax kun utskíintik le Luʼumaʼ?».