Isaías 48:1-22
48 U paalal Jacob, uʼuyeʼex lelaʼ,teʼex ka waʼalikeʼex Israel a kʼaabaʼex+yéetel tiʼ a taaleʼex tiʼ u paalal* Judá,teʼex ka jurareʼex tu kʼaabaʼ Jéeoba+yéetel ka orareʼex tiʼ u Dios u kaajil Israel,chéen baʼaleʼ maʼ yéetel u jaajil a wóoleʼexiʼ yéetel maʼ jeʼex unaj u beetaʼaloʼ.+
2 Teʼex ka waʼalikeʼex u kajnáalileʼex le kaaj santo+yéetel ka kaxtikeʼex u yáantaj u Dios u kaajil Israel,+le máax ku kʼaabaʼtik Jéeoba, le máax gobernartik le ángeloʼoboʼ.
3 «Le yáax baʼaloʼob tin tsʼáaj a wojéelteʼex desde úuchjeakiloʼ,tin chiʼ jóokʼoʼob,teen tsʼáa ojéeltbil.+
Teʼ súutuk ka péeknajen in beetoʼ béeychajoʼob.+
4 Tumen in wojel jach tercoʼex,maʼatech a wuʼuyikeʼex tʼaan yéetel chich a pooleʼexeʼ,*+
5 teneʼ desde úuchjeakil tin waʼalajteʼex.
Antes u yúuchleʼ tin tsʼáaj a wojéelteʼex,beyoʼ le kéen tsʼoʼokkeʼ maʼ ken a waʼaleʼex: ‹Lelaʼ beetaʼab tumen k-diosoʼob,letiʼe póolbil imagen yéetel le imagen de metal aʼal ka úuchkoʼ›.
6 Teʼexeʼ tsʼoʼok a wojéeltikeʼex yéetel tsʼoʼok a wilkeʼex tuláakal lelaʼ.
¿Maʼ wa ken a tsʼáaʼex ojéeltbil?+
Desde teʼ kʼiinaʼ yaan u káajal in tsʼáaik a wojéelteʼex túumben baʼaloʼob,+baʼaloʼob taʼakaʼanoʼob maʼ a wojleʼex kaʼachiʼ.
7 Le jeʼeloʼobaʼ beora táan u yaʼalaʼalaʼ maʼ desde úuchjeakiliʼ,le baʼaloʼobaʼ maʼ a yáax uʼuymeʼexiʼ, bejlaʼa táan a wojéeltikeʼexeʼ,bey túunoʼ maʼ tu páajtal a waʼalikeʼex: ‹K-ojliliʼeʼ›.
8 U jaajileʼ maʼ a wuʼuymeʼex kaʼachiʼ,+ maʼ a wojleʼex kaʼachiʼ.
Úuchjeakileʼ maʼ jeʼekʼabtaʼab a xikneʼexiʼ.
Tumen in wojel jach traicioneroʼex,+yéetel desde ka síijeʼexeʼ ku yaʼalaʼalteʼex kʼasaʼan máakeʼex.+
9 Chéen baʼaleʼ tu yoʼolal in kʼaabaʼeʼ yaan in controlartik in pʼujaʼanil.+
Utiaʼal in alabartaʼaleʼ yaan in controlarkinbayéetel maʼ ken in xuʼulsteʼex.+
10 ¡Ilawileʼex! Teneʼ tsʼoʼok in luʼsik a kʼasaʼanileʼex, chéen baʼaleʼ maʼ jeʼex u luʼsaʼal le baʼax maʼ patal yaan tiʼ le plataoʼ.+
Teneʼ tsʼoʼok in chaʼik a muʼyajeʼex utiaʼal a pʼáatleʼex maʼalobil jeʼex u pʼáatal le metal ku yiʼibil tiʼ junpʼéel hornooʼ.+
11 Tu yoʼolal in kʼaabaʼ, tu yoʼolal in kʼaabaʼeʼ yaan in péek utiaʼal in beetik,+tumen ¿bix ken in chaʼa u mixbaʼalkúuntaʼal in kʼaabaʼ?+
Tiʼ mix máak ken in chaʼa u tsʼaʼabal le adoración unaj u tsʼaʼabaltenoʼ.
12 Jacob, chʼenxikinteniʼ, bey xan teech Israel le máax in yéeymoʼ.
Teneʼ maʼatech in kʼexpajal,+ teneʼ Diosen desde tu káajbal bey xan utiaʼal kʼiinoʼob minaʼan u xuul.+
13 In kʼab tsʼáa u cimientoil le luʼumoʼ,+in x-noʼoj kʼab jay le kaʼanoʼ.+
Le kéen in tʼanoʼobeʼ ku múul waʼataloʼob.
14 Láaj muchʼabaʼex, chʼenxikinteneʼexiʼ.
Ichil u maasil diosoʼoboʼ, ¿yaan wa juntúul tsʼoʼok u tsʼáaik ojéeltbil le baʼaloʼobaʼ?
Le máax yaabiltaʼan tumen Jéeobaoʼ+yaan u beetik jeʼel baʼaxak u kʼáat tu contra Babiloniaeʼ,+u x-noʼoj kʼabeʼ yaan u líikʼil tu contra le caldeoʼoboʼ.+
15 Teneʼ tsʼoʼok in tʼaan yéetel tsʼoʼok xan in tʼanik.+
Teneʼ tsʼoʼok in beetik u taal, letiʼeʼ yaan u jóokʼol yéetel le baʼax taal u beetoʼ.+
16 Natsʼabaʼex tin wiknal utiaʼal a wuʼuyikeʼex lelaʼ.
Teneʼ desde tu káajbaleʼ maʼatech in x-mukul tʼaan.+
Teneʼ tiʼ yanen le ka béeychaj le baʼax in waʼalmoʼ».
Beoraaʼ Kiʼichkelem Yuum Jéeobaeʼ tsʼoʼok u túuxtiken paʼteʼ yéetel u poder.
17 Lelaʼ letiʼe baʼax ku yaʼalik Jéeoba, le Máax kaʼa manikechoʼ, le Máax Santo yaan Israeloʼ:+
«Teneʼ Jéeobaen, teen a Dios,teen le máax kaʼansikech utiaʼal u bintech utsiloʼ,+teen le máax nuʼuktikech teʼ bej tuʼux unaj a binoʼ.+
18 ¡Bukaʼaj maʼalobil wa ka a beet u cuentail le baʼaxoʼob kin waʼalikoʼ!+
Beyoʼ le jeetsʼelil yaantechoʼ yaan u pʼáatal jeʼex junpʼéel ríoeʼ,+yéetel a justiciaeʼ yaan u pʼáatal jeʼex u olasil le kʼáaʼnáaboʼ.+
19 A paalaleʼ yaan u yaʼabtaloʼob jeʼex le arenaoʼ,a paalaleʼ yaan u sen yaʼabtaloʼob jeʼex bukaʼaj yaʼabil le arenaoʼ.+
A kʼaabaʼ túuneʼ mix bikʼin kun xuʼulul, mix bikʼin kun xuʼulsbil tin táan».
20 ¡Jóokʼkeʼex Babilonia!+
¡Púutsʼkeʼex tiʼ le caldeoʼoboʼ!
¡Kʼaʼam aʼaleʼex yéetel kiʼimak óolal! ¡Tsʼáaʼex ojéeltbil!+
Tsʼáaʼex ojéeltbil tak tu xuul yóokʼol kaab.+
Aʼaleʼex: «Jéeobaeʼ tsʼoʼok u kaʼa manik Jacob le máax meyajtikoʼ.+
21 Le ka tu máansoʼob tiʼ desiertoʼobeʼ, letiʼobeʼ maʼ tu muʼyajtoʼob ukʼajiʼ.+
Letiʼeʼ tu beetaj u chooj jaʼ tiʼ junpʼéel tuunich utiaʼal u yukʼoʼob.
Letiʼeʼ tu tejaj junpʼéel tuunicheʼ ka tu beetaj u tuul jaʼiʼ».+
22 Jéeobaeʼ ku yaʼalik: «Minaʼan jeetsʼelil tiʼ le kʼasaʼan máakoʼoboʼ».+
Notas
^ Ich hebreoeʼ ku yaʼalaʼal kaʼach «u jaʼiloʼob».
^ Ich hebreoeʼ ku yaʼalaʼal kaʼach «u xiichʼel a kaaleʼexeʼ de fierro yéetel a táanpoolaleʼexeʼ de cobre».
