Job 34:1-37
34 Eliú túuneʼ seguernaj u yaʼalik:
2 «Teʼex jach yaan a naʼateʼexeʼ uʼuyeʼex baʼax ken in waʼale,teʼex jach yaʼab baʼax a wojleʼexeʼ chʼenxikinteneʼexiʼ.
3 Tumen u xikin máakeʼ ku probartik le baʼaxoʼob ku yaʼalaʼaljeʼex u probartaʼal le janal tumen u yaakʼ máakoʼ.
4 Koʼoneʼex jach ilik baʼax justo,koʼoneʼex múul chʼaʼtuklik baʼax maʼalob.
5 Tumen Jobeʼ tsʼoʼok u yaʼalik: ‹Kex yaan razón teneʼ,+Dioseʼ maʼ tu yóotik u beetten justicia.+
6 ¿Unaj wa in tuus ka tak in waʼal maʼ tin merecertik ka beetaʼakten justicia?
Kex mix baʼal kʼaas in beetmeʼ, maʼ tu yutstal le loob uchaʼantenoʼ›.+
7 U jaajileʼ minaʼan uláakʼ máak jeʼex Jobeʼ,letiʼeʼ chéen ku yuʼubik u yaʼalaʼal baʼal tiʼ.
8 Letiʼeʼ tiaʼan ichil le máaxoʼob ku beetkoʼob baʼax kʼaasoʼ,ku biskuba yéetel kʼasaʼan máakoʼob.+
9 Le oʼolal ku yaʼalik: ‹Mix junpʼéel utsil ku taasik tiʼ máaku beetik baʼax uts tu tʼaan Dios›.+
10 Chéen baʼaleʼ teʼex jach yaan a naʼateʼexeʼ uʼuyeʼex lelaʼ:
¡U jaajil Dioseʼ junpuliʼ maʼ tu beetik baʼax kʼaas!+
¡Le Máax jach táaj yaan u poderoʼ junpuliʼ maʼ tu beetik baʼax maʼ maʼalobiʼ!+
11 Letiʼeʼ ku tsʼáaik tiʼ máak le baʼax ku náajaltikoʼ,+ku chaʼik u taal tu yóokʼol máak u consecuenciail le bej ku biskoʼ.
12 Dioseʼ junpuliʼ maʼ tu beetik u kʼasaʼanil,+le Máax jach táaj yaan u poderoʼ mantatsʼ ku beetik baʼax maʼalob.+
13 ¿Máax tsʼáa autoridad tiʼ utiaʼal u gobernartik le luʼumaʼ?
¿Máax tsʼáa le yóokʼol kaab tu kʼaboʼ?
14 Wa ka u chʼaʼtukult u luʼsik u muukʼil u kuxtal máak,yéetel ka u beet u xuʼulul u chʼaʼik u yiikʼeʼ,+
15 tuláakal máak kun kíimil,tuláakal máak kun suut teʼ luʼumoʼ.+
16 Le oʼolaleʼ Job, wa yaan a naʼateʼ jach uʼuy baʼax ken in waʼale,jach chʼenxikint lelaʼ:
17 ¿Unaj wa u gobernar juntúul máax u pʼeek u beetik justicia?
¿Jeʼel wa a tʼaan tu contra juntúul gobernante ku beetik baʼax maʼalobeʼ?
18 ¿Jeʼel wa a waʼalik tiʼ juntúul rey: ‹Techeʼ mix baʼal a biilal›?
¿Jeʼel wa a waʼalik tiʼ juntúul máax yaan autoridad tiʼ: ‹Kʼasaʼan máakech›?+
19 U jaajileʼ yaan juntúul máax igual u tratartik tuláakal máak,kex príncipe, kex ayikʼal, wa kex óotsil,+tumen letiʼ láaj beetmiloʼob.+
20 Le máakoʼobaʼ séeb jeʼel u kíimloʼobeʼ,+ lelaʼ jeʼel u yúuchul tak tu tsʼuʼ áakʼabeʼ,+ku chʼoʼochʼotkubaʼob tsʼoʼoleʼ ku kíimloʼob.
Tak le gobernanteʼoboʼ ku luʼsaʼal le autoridad yaantiʼoboʼ, chéen baʼaleʼ lelaʼ maʼ u kʼab wíinik beetkiʼ.+
21 Tumen Dioseʼ ku jach ilik baʼax bejil ku bisik máak+yéetel ku yilik tuláakal baʼax ku beetik.
22 Le máaxoʼob beetik baʼax maʼ maʼaloboʼ minaʼan tuʼux u taʼakikubaʼob,kex ka xiʼikoʼob tuʼux éeʼjochʼeʼen wa tuʼux jach mix baʼal chíikaʼan u yilaʼal.+
23 Dioseʼ maʼ u yaʼalmaj tiʼ máak baʼax kʼiinunaj u bin tu táan utiaʼal ka u juzgartiʼ.
24 Letiʼeʼ maʼ tsaaj u investigartik baʼax ku beetik le gobernanteʼob utiaʼal u luʼskoʼob tu puestoʼobyéetel u tsʼáaik yaanaloʼobiʼ.+
25 Tumen u yojel baʼax ku beetkoʼobeʼ+ku beetik u lúubloʼob de áakʼab yéetel ku xuʼulsiktiʼob.+
26 Ku beetik u yúuchultiʼob beyoʼ tumen kʼasaʼanoʼob,yéetel ku beetik tuʼux jeʼel u páajtal u yilaʼal tumen tuláakal máakeʼ,+
27 tumen tsʼoʼok u xuʼulul u beetkoʼob baʼax uts tu tʼaan,+kex ku yaʼaliktiʼob tiʼ baʼax bejil unaj u binoʼobeʼ junpuliʼ maʼ tu binoʼobiʼ.+
28 Yoʼolal baʼax ku beetkoʼobeʼ le óotsiloʼoboʼ ku kʼáatkoʼob áantaj tiʼ Dios,Dios túuneʼ ku yáantik le máakoʼobaʼ tumen mix máak defenderkoʼob.+
29 Chéen baʼaleʼ wa maʼ tu yaʼalik mix baʼaleʼ, ¿máax jeʼel u yaʼalik maʼ maʼalob baʼax ku beetkeʼ?
Wa ku taʼakikubaeʼ, mix máak jeʼel u páajtal u yilkeʼ.
Bey u yúuchul wa ku taʼakikuba tiʼ juntúul máak wa tiʼ junpʼéel kaaj.
30 Letiʼeʼ maʼ tu chaʼik u gobernar juntúul kʼasaʼan máak,+tumen jeʼel u beetik u kʼastal le kaajoʼ.
31 Techeʼ táan a waʼalik tiʼ Dios:
‹Táan in castigartaʼal kex mix baʼal kʼaas in beetmaj,+
32 eʼesten in falta,wa yaan baʼax maʼ maʼalob in beetmeʼ, maʼ ken in kaʼa beete›.
33 ¿Unaj wa a páaʼtik u tsʼáaiktech Dios baʼax uts ta tʼaan wa maʼ ta kʼamik bix u juzgar?
Lelaʼ teech unaj a núukik, maʼ teeniʼ.
Aʼalten baʼax a wojel.
34 Le máaxoʼob yaʼab baʼax u yojloʼobwa le máaxoʼob yaan u naʼatoʼoboʼ yaan u yaʼalikoʼob:
35 ‹Jobeʼ maʼ u yojel baʼax ku yaʼalikiʼ,+le bix u tʼaanoʼ ku yeʼesik yaan baʼax maʼ u yojliʼ›.
36 ¡Chaʼa u probartaʼal Job* tak tu xuul,tumen táan u tʼaan jeʼex le kʼasaʼan máakoʼoboʼ!
37 ¡Letiʼeʼ tsʼoʼok u kʼebantal yéetel jach terco,+táan u papaxkʼab utiaʼal u burlarkubatoʼon,yéetel táan u sen aʼalik baʼal tiʼ u jaajil Dios!».+
Notas
^ Uláakʼ bix u traducirtaʼaleʼ «In Yuum, chaʼa u probartaʼal Job».
