Proverbios 12:1-28
12 Le máax uts tu tʼaan u tsoʼolol u nuʼuk tiʼeʼ uts tu tʼaan u kaanbal,+pero le máax u pʼeek u tsoʼolol u nuʼuk tiʼeʼ minaʼan u naʼat.*+
2 Le utsul máakoʼ maʼalob yanil tu táan Jéeoba,pero le máax ku chʼaʼtuklik u beetik baʼaloʼob kʼaastakeʼ ku rechazartaʼal tumen Dios.+
3 Juntúul máax ku beetik baʼax kʼaaseʼ junpuliʼ maʼ seguro yaniliʼ,+pero le utsul máakoʼoboʼ mix bikʼin kun jóokpaytbiloʼob.
4 Le maʼalob atantsiloʼ bey junpʼéel corona utiaʼal u yíichameʼ,+pero le atantsil ku pajik u suʼtal u yíichamoʼ bey junpʼéel kʼojaʼanil kʼaskúuntik u baakeleʼ.+
5 Le utsul máakoʼoboʼ maʼalob bix u tuukuloʼob,pero le kʼasaʼan máakoʼoboʼ chéen ku tuskoʼob máak yéetel u nuʼuktajoʼob.
6 Le baʼax ku yaʼalik le kʼasaʼan máakoʼoboʼ bey u trampail kíimileʼ,+pero u chiʼ le utsul máakoʼoboʼ ku taasik salvación.+
7 Le kéen lúubuk le kʼasaʼan máakoʼoboʼ ku xuʼulultiʼob,pero u yotoch le utsul máakoʼoboʼ yaan u pʼáatal waʼatalil.+
8 Juntúul máax ku kanáantik u chiʼeʼ ku yúuchul maʼalob tʼaan tu yoʼolal,+pero juntúul máax kʼasaʼan u puksiʼikʼaleʼ maʼ kun tratarbil maʼalob.+
9 Maas maʼalob juntúul máak óotsil u yilaʼal pero yaan juntúul u j-meyaj,ke juntúul máak jach ku taaskuba nojbaʼalil pero minaʼan tak baʼal u jaante.+
10 Le utsul máakoʼ ku kanáantik u yalakʼ baʼalcheʼob,+pero le kʼasaʼan máakoʼoboʼ tak ken u chʼaʼob óotsilileʼ ku beetik u kʼasaʼaniloʼob.
11 Le máax ku meyajtik u luʼumeʼ yaan u yantal yaʼab baʼal u jaante,+pero le máax ku bin tu paach baʼaloʼob mix baʼal u biilaleʼ minaʼan u naʼat.*
12 Le kʼasaʼan máakoʼ ku tsʼíiboltik le baʼax ku yantal tiʼ uláakʼ kʼasaʼan máakoʼoboʼ,pero le utsul máakoʼoboʼ beyoʼob cheʼob taam u mootsoʼob ku yichankiloʼobeʼ.
13 Le kʼasaʼan máakoʼ ku léechtaʼal tumen le baʼax maʼ maʼalob ku yaʼalikoʼ,+pero le utsul máakoʼ ku púutsʼul tiʼ le baʼaxoʼob beetik u muʼyajoʼ.
14 Le baʼax ku yaʼalik máakoʼ jeʼel u beetik u bin utsil tiʼeʼ,+máakeʼ ku kʼamik u boʼolil le baʼax ku beetkoʼ.
15 Le j-maʼ naʼatoʼ ku yilik maʼalob le bej ku biskoʼ,+pero le máax yaan u naʼatoʼ ku chaʼik u nuʼuktaʼal.+
16 Le j-maʼ naʼatoʼ séebaʼan u yeʼesik pʼujaʼan,+pero le máax yaan u naʼatoʼ kéen aʼalaʼak baʼal tiʼeʼ maʼ tu beetik u cuentail.
17 Juntúul maʼalob testigoeʼ ku yaʼalik u jaajil,*pero juntúul maʼ maʼalob testigoeʼ ku yaʼalik baʼaloʼob maʼ jaajtakiʼ.
18 Le máax chéen ku jáajan tʼaanoʼ bey táan u loʼolomik máak yéetel junpʼéel espadaeʼ,pero u yaakʼ le máax yaan u naʼatoʼ ku tsʼakik le tuʼux uchaʼan looboʼ.+
19 Le chiʼ ku yaʼalik u jaajiloʼ yaan u pʼáatal utiaʼal mantatsʼ,+pero le aakʼ ku tuusoʼ jach maʼ kun xáantal.+
20 Le tuusoʼ tiaʼan tu puksiʼikʼal le máaxoʼob ku chʼaʼtuklik bix jeʼel u beetkoʼob kʼaasoʼ,pero le máaxoʼob ku yilkoʼob u yantal jeetsʼeliloʼ kiʼimak u yóoloʼob.+
21 Mix junpʼéel loob kun úuchul tiʼ le utsul máakoʼ,+pero le kʼasaʼan máakoʼoboʼ yaʼab baʼaloʼob ken u muʼyajtoʼob.+
22 Le chiʼ ku tuusoʼ jach táaj pʼektaʼan tumen Jéeoba,+pero le maʼatech u tuusoʼ ku beetik u kiʼimaktal u yóol.
23 Le máax yaan u naʼatoʼ maʼ tu jáan aʼalik baʼax u yojel,pero tu puksiʼikʼal le j-maʼ naʼatoʼ ku jóokʼol tʼaanoʼob ku yeʼesik minaʼan u naʼat.+
24 Le sáakʼóoloʼoboʼ yaan u gobernaroʼob,+pero le maʼakʼóoloʼoboʼ yaan u obligartaʼaloʼob meyaj bey esclavoʼobeʼ.+
25 Le baʼax ku kuup tu puksiʼikʼal máakoʼ ku beetik u yaatal u yóol,*+pero junpʼéel jatsʼuts tʼaaneʼ ku beetik u kiʼimaktal u yóol.+
26 Le utsul máakoʼ ku kʼaj óoltik tubeel le tuʼux ku máanoʼ,pero le baʼax ku beetik le kʼasaʼan máakoʼ ku bisik tiʼ junpʼéel bej maʼ maʼalobiʼ.
27 Le maʼakʼóoloʼ maʼ tu bin tu paach le baʼax taak u chukikoʼ,+pero le sáakʼóoliloʼ bey junpʼéel tesoro ku yantal tiʼ máakeʼ.
28 U bejil le justiciaoʼ ku bisik máak tiʼ le kuxtaloʼ,+tu bejil le justiciaoʼ minaʼan kíimiliʼ.
Notas
^ Wa «maʼ tu yóol yaniʼ».
^ Ich hebreoeʼ ku yaʼalaʼal kaʼach «minaʼan u puksiʼikʼal».
^ Ich hebreoeʼ ku yaʼalaʼal kaʼach «baʼax justo».
^ Wa «u lúubul u yóol».
