Salmos 114:1-8
114 Le ka jóokʼ u kaajil Israel tu luʼumil Egipto,+le ka jóokʼ u paalal Jacob tiʼ junpʼéel kaaj yaanal idioma ku tʼankeʼ,
2 Judáeʼ kʼuch u beetuba junpʼéel lugar santo utiaʼal Dios,Israeleʼ junpʼéel lugar tuʼux ku gobernar.+
3 Le kʼáaʼnáaboʼ tu yilaj Dioseʼ ka púutsʼi,+le Río Jordánoʼ tu sutaj u paacheʼ ka bini.+
4 Le montañaʼoboʼ síitʼnajoʼob jeʼex u síitʼ tamanoʼobeʼ.+
Le puʼukoʼoboʼ síitʼnajoʼob jeʼex u síitʼ mejen tamanoʼobeʼ.
5 Kʼáaʼnáab, ¿baʼax beet a púutsʼul?+
Jordán, ¿baʼax beet a bin?+
6 Montañaʼex, ¿baʼaxten síitʼnajeʼex jeʼex u síitʼ tamanoʼobeʼ?
Puʼukeʼex, ¿baʼaxten síitʼnajeʼex jeʼex u síitʼ mejen tamanoʼobeʼ?
7 Luʼum, kíilbalnen le kéen yanakech tu táan Yuumtsil,le kéen yanakech tu táan u Dios Jacob,+
8 letiʼeʼ ku beetik u pʼáatal le tuunich jeʼex junpʼéel lugar tuʼux yaan yaʼabkach jaʼ chuup yéetel cañaʼobeʼ,ku beetik u tuul yaʼabkach jaʼ tiʼ junpʼéel chichich tuunich.+
