Salmos 39:1-13
Utiaʼal máax ku nuʼuktaj. Jedutún.+ Le kʼaayaʼ David tsʼíibte.
39 Teneʼ tin waʼalaj: «Yaan in kanáantkinbautiaʼal maʼ in kʼebantal yéetel in waakʼ.+
Yaan in makik in chiʼ+mientras tiaʼan juntúul kʼasaʼan máak tin táaneʼ».
2 Bey mudoen* kaʼacheʼ, pʼáat maʼ tin tʼaan.+
Xuʼul in tʼaan tak tiʼ baʼaloʼob maʼalobtak,pero joʼopʼ u maas yaatal baʼax kin muʼyajtik.
3 Joʼopʼ u yelel in puksiʼikʼal.
Le kéen in chʼaʼ in wiikʼeʼ ku maas elel.
Ka túun tʼaanajeneʼ, ka tin waʼalaj:
4 «Jéeoba Dios, áanten in wil bukaʼaj séebil u máan in kuxtal,áanten in wojéelt bukaʼaj kʼiinoʼob pʼaatalten,+beyoʼ yaan in wojéeltik bukaʼaj kóomil in kuxtal.
5 U jaajileʼ maʼ yaʼab kʼiinoʼob a tsʼaamajteniʼ.+
Comparado ta wéeteleʼ jach junpʼíit u kʼiiniloʼob in kuxtal.+
Kex bey seguro yanil máakeʼ, séeb u xuʼulul u kuxtal.+ (Séla)
6 Máakeʼ bey jeʼex le boʼoy kʼáatmáan ku beetkoʼ,chéen kunel baʼax ku beetik,ku nikkúuntik ayikʼalil, pero maʼ u yojel máax kun disfrutarkiʼ.+
7 Le oʼolaleʼ, Jéeoba Dios, ¿baʼax jeʼel in páaʼtikeʼ?
Chéen teech jeʼel a wáantkeneʼ.
8 Token tiʼ tuláakal in kʼebanoʼob.+
Maʼ a chaʼik u mixbaʼalkúuntiken le j-maʼ naʼatoʼ.
9 Bey mudo* úuchik in pʼáatleʼ,maʼ páajchaj in tʼaaniʼ,+tumen teech beet in muʼyaj.+
10 Xuʼuluk a castigarken.
Táan u kíimsken le baʼax ka beetkoʼ.
11 Techeʼ ka tojkíintik máak kéen u beet baʼax maʼ maʼalobiʼ.+
Jeʼex u beetik le kʼamasoʼ* bey a xuʼulsik tiʼ le ayikʼalil u nikkúuntmoʼ.
U jaajileʼ séeb u xuʼulul u kuxtal máak.+ (Séla)
12 Jéeoba Dios, uʼuy in oración,chʼenxikinten kéen in kʼáattech áantaj.+
Maʼ a beetik bey maʼ ta wilik u jaʼil in wicheʼ.
Tumen teneʼ chéen juntúul a wuʼulaben,+jeʼex in úuchben láakʼtsiloʼobeʼ chéen junsúutuk way yaneneʼ.+
13 Xuʼuluk a paktiken ichil a pʼujaʼanilutiaʼal u kiʼimaktal in wóol antes in kíimil».
