Salmos 65:1-13
Utiaʼal máax ku nuʼuktaj. Le kʼaayaʼ David tsʼíibte.
65 In Dios, yaan a alabartaʼal Sión.+
Yaan k-beetik le baʼax t-prometertajtechoʼ.+
2 In Dios, teech uʼuyik le oraciónoʼoboʼ, le oʼolal tuláakal máak ken u natsʼuba ta wiknal.+
3 Táan u pechʼken le baʼaloʼob maʼ maʼalobtak in beetmoʼ,+pero techeʼ ka perdonartik u kʼeban máak.+
4 Kiʼimak u yóol le máax ka yéeyik yéetel ka natsʼikutiaʼal u kajtal tu táankabil a wotochoʼ.+
Toʼoneʼ yaan u kiʼimaktal k-óol yéetel le utsiloʼob k-kʼamik ta wotochoʼ,+le k-kʼamik ta templooʼ.+
5 Yaan a núukik k-oración, utiaʼal a beetik justiciaeʼ yaan a beetik nukuch baʼaloʼob ku beetik u jaʼakʼal u yóol máak.+
In Dios, teech salvarkoʼon.
Tiʼ teech ku kʼubik u yóol tuláakal u kajnáaliloʼob le luʼumaʼ,+tak le máaxoʼob kajaʼanoʼob tuláakʼ u tséel le kʼáaʼnáaboʼ.
6 Yéetel a poder ta beetaj le nukuch montañaʼoboʼ.
Jach táaj yaan a poder.+
7 Ka beetik u jéetsʼel le kʼáaʼnáab jach pʼujaʼanoʼ,+ka beetik u xuʼulul u jatsʼkuba u nukuch olasil. Ka beetik xan u xuʼulul le bulla ku beetik le kaajoʼoboʼ.+
8 Tak le máakoʼob kajaʼanoʼob tu xuul yóokʼol kaaboʼ yaan u péek u yóoloʼob kéen u yiloʼob le señaloʼob ka beetik u yantaloʼ.+
Yaan a beetik u yawat yéetel kiʼimak óolal tuláakal le máaxoʼob kajaʼanoʼob desde tuʼux ku tíipʼil kʼiinoʼ tak le kajaʼanoʼob tuʼux ku tʼúubuloʼ.
9 Ka kanáantik le luʼumoʼ,ka beetik u pʼáatal jach maʼalob utiaʼal u sen tsʼáaik u yich.+
Ka beetik u chuʼupul le ríoʼob yéetel jaʼoʼ.
Bey úuchik a preparartik le luʼumutiaʼal a tsʼáaik baʼal u jaant tuláakal máakoʼ.+
10 Ka beetik u chʼuʼulul tubeel le luʼumoʼ, ka beetik u táaxtal le tuʼux tsʼoʼok u péeksaʼaloʼ,*ka beetik u kʼáaxal kʼaʼamkach jaʼ utiaʼal u suavetal, ka bendecirtik le luʼum utiaʼal u jóokʼol yéetel u nojochtal le baʼax ku paʼakʼaloʼ.+
11 Yéetel le bukaʼaj utsil ka weʼesikoʼ tsʼoʼok a adornartik le añoaʼ.
Le bejoʼob tuʼux ka máanoʼ chuupoʼob yéetel utsil.+
12 Le desiertooʼ chuup yéetel xíiwoʼob,+le puʼukoʼoboʼ* jach kiʼimak u yóoloʼob.+
13 Yaʼab baʼalcheʼob ku janaloʼob ichil le xíiwoʼoboʼ,teʼ tuʼux táax le luʼumoʼ chuup yéetel trigo.+
Tuláakal le luʼumoʼ ku yawat tumen kiʼimak u yóol, hasta táan u kʼaay.+
