XOOK 53
Kanáant baʼax yéetel ka náaysik a wóol
Jéeobaeʼ letiʼe «Dios kiʼimak u yóoloʼ» (1 Timoteo 1:11). Letiʼeʼ u kʼáat ka kiʼimakchajak k-óol yéetel ka k-disfrutart le kuxtaloʼ. U kʼáat xan ka k-jóoʼs tiempo utiaʼal k-jeʼelel tiʼ le meyajoʼob k-beetkoʼ. Teʼ xookaʼ yaan k-ilik bix jeʼel u meyajtoʼon maʼalob le tiempo utiaʼal k-náaysik k-óoloʼ. Tsʼoʼoleʼ yaan k-ilik bix jeʼel k-kiʼimakkúuntik u yóol Jéeoba yéetel le baʼax ken k-beetoʼ.
1. ¿Baʼax unaj k-chʼaʼik en cuenta kéen k-il baʼax yéetel ken k-náays óol?
¿Techeʼ baʼax uts ta tʼaan a beetik utiaʼal a náaysik a wóol? Yaan máakoʼobeʼ uts tu tʼaan u pʼáatloʼob tu yotochoʼob utiaʼal u xokikoʼob junpʼéel libro, utiaʼal u yuʼubikoʼob paax, u chaʼantikoʼob junpʼéel película wa utiaʼal u yookloʼob u yiloʼob wa baʼax teʼ Internetoʼ. Chéen baʼaleʼ yanoʼobeʼ yaanal bix u náaysik u yóoloʼob. Por ejemploeʼ ku binoʼob yéetel u amigoʼob xíimbal, u báaxtoʼob videojuegos, báab wa nadar. Pero kex jeʼel baʼaxak ka u beet máak utiaʼal u náaysik u yóoleʼ unaj u yilik u beetik «baʼax maʼalob tu táan Yuumtsil» (Efesios 5:10). Jach kʼaʼabéet k-chʼaʼik en cuenta leloʼ tumen bejlaʼeʼ yaʼab baʼaloʼob yaan utiaʼal u náaysik u yóol máak, pero maʼ maʼalob tu táan Jéeobaiʼ. Por ejemploeʼ yaan yaʼab películaʼob tuʼux ku chíikpajal u kíimsaʼal máak, u núupkʼebantal máak wa baʼaloʼob yaan yil yéetel espiritismo (xok Salmo 11:5). ¿Baʼax jeʼel u yáantkoʼon k-yéey tubeel baʼax yéetel ken k-náays k-óoleʼ?
Wa k-bisikba yéetel máaxoʼob u yaabiltmoʼob Jéeobaeʼ yaan u yáantkoʼonoʼob utiaʼal k-yéeyik tubeel baʼax yéetel ken k-náays k-óol. Jeʼex t-ilil teʼ xook 48, «le máax ku máan yéetel máaxoʼob yaan u naʼatoʼobeʼ yaan u yantal u naʼat». Chéen baʼaleʼ le máax ku biskuba yéetel máaxoʼob maʼ u yaabiltmoʼob baʼax ku yaʼalik Jéeobaeʼ «yaan u bin kʼaasil tiʼ» (Proverbios 13:20).
2. ¿Baʼaxten kʼaʼabéet k-tsʼáaik u pʼiis k-náaysik k-óol?
Kex maʼ kʼaas u náaysik u yóol máakeʼ kʼaʼabéet u kanáantik bukaʼaj tiempo ken u náays u yóol. Tumen wa maʼ t-kanáantikeʼ maʼ kun pʼáataltoʼon tiempo utiaʼal le baʼaloʼob maas kʼaʼanaʼantakoʼ. Le Bibliaoʼ ku yaʼalik: «Ilawil u meyajteʼex tubeel le tiempo yaanteʼexoʼ» (xok Efesios 5:15, 16).
UTIAʼAL A MAAS NAʼATIK
Ilawil baʼax jeʼel u yáantkech utiaʼal a yéeyik tubeel baʼax yéetel ken a náays a wóoleʼ.
3. Maʼ a náaysik a wóol yéetel baʼaloʼob kʼaastak
¿Baʼaxten kʼaʼabéet k-kanáantik baʼax yéetel k-náaysik k-óol? Chaʼanteʼex le VIDEOOʼ, kéen tsʼoʼokkeʼ ka tsikbaltikeʼex lelaʼ:
-
Le baʼateloʼob ku beetaʼal úuchjeakiloʼ ku afectartik kaʼach le máakoʼoboʼ, kux túun le videojuegosoʼ, ¿bix u afectarkoʼob máak?
-
Jeʼex t-ilil teʼ videooʼ, ¿baʼax tu kanaj Danny yoʼolal le baʼaxoʼob ku meyaj utiaʼal u náaysik u yóol máakoʼ?
Xokeʼex Romanos 12:9, kéen tsʼoʼokkeʼ ka tsikbaltikeʼex lelaʼ:
-
¿Bix u yáantkoʼon le teksto utiaʼal k-ilik tubeel baʼax yéetel ken k-náays k-óol?
¿Bey máakalmáak le baʼaxoʼob u pʼekmaj Jéeobaoʼ? Xokeʼex Proverbios 6:16, 17 yéetel Gálatas 5:19-21. Kéen tsʼoʼokok a xokikeʼex cada tekstoeʼ ka tsikbaltikeʼex lelaʼ:
-
Tiʼ le baʼaxoʼob ku yaʼalik le tekstooʼ, ¿bey máakalmáakoʼob a tuklik maas ku yilaʼaloʼob teʼ kʼiinoʼobaʼ?
Bix jeʼel a yéeyik baʼax yéetel ken a náays a wóoleʼ
Tuukulnen tiʼ lelaʼ:
-
¿Baʼax táakaʼan ichil? ¿Yaan wa baʼaloʼob u pʼekmaj Jéeobaiʼ?
-
¿Baʼax kʼiin ken in náays in wóol? ¿Yaan wa u chaʼik in beetik le baʼaxoʼob maas kʼaʼanaʼantakoʼ?
-
¿Máax yéetel kin wantal? ¿Yaan wa in wantal yéetel máaxoʼob maʼatech u meyajtikoʼob Jéeoba?
Utiaʼal k-kanáantikbaeʼ unaj k-náachtal tiʼ le baʼaxoʼob jeʼel u beetiktoʼon looboʼ; bey túun xanoʼ unaj k-náachtal tiʼ le náaysaj óoloʼob jeʼel u kʼaskúuntikoʼob k-kuxtaloʼ
4. Meyajnaktech maʼalob a tiempo
Chaʼanteʼex le VIDEOOʼ, kéen tsʼoʼokkeʼ ka tsikbaltikeʼex lelaʼ:
-
Le sukuʼun t-ilaj teʼ videooʼ maʼ táan u beetik mix baʼal kʼaasiʼ, ¿pero bix u meyajtiʼ le tiempo yaan kaʼach tiʼoʼ?
Xokeʼex Filipenses 1:10, kéen tsʼoʼokkeʼ ka tsikbaltikeʼex lelaʼ:
-
¿Bix u yáantkoʼon le teksto utiaʼal k-ilik bukaʼaj tiempo ken k-jóoʼs utiaʼal k-náaysik k-óoloʼ?
5. Náays a wóol yéetel baʼax maʼalob
Yaan baʼaloʼob utiaʼal u náaysik u yóol máakeʼ maʼ kʼaas u yilik Jéeobaiʼ. Xokeʼex Eclesiastés 8:15 yéetel Filipenses 4:8, kéen tsʼoʼokkeʼ ka tsikbaltikeʼex lelaʼ:
-
Tiʼ le baʼaxoʼob maʼ u pʼekmaj Jéeobaoʼ, ¿yéetel máakalmáak uts ta tʼaan a náaysik a wóoliʼ?
Jeʼel u páajtal k-náaysik k-óol yéetel baʼaloʼob maʼ kʼaastak tu táan Jéeobaiʼ
BAʼAX SUUK U YAʼALAʼAL: «Maʼ kʼaas u náaysik u yóol máak yéetel baʼaloʼob yaan yil yéetel espiritismo, u chaʼantaʼal baʼaloʼob tuʼux ku kíimsaʼal máak wa baʼaloʼob yaan yil yéetel sexo. Baʼax kʼaaseʼ letiʼe u beetik máakoʼ».
-
Techeʼ, ¿baʼax jeʼel a núukikeʼ?
BAʼAX TSOʼOLI
Jéeobaeʼ u kʼáat ka k-náays k-óol yéetel baʼaloʼob maʼalobtak yéetel ka k-disfrutarte.
Baʼax ta kanaj
-
Le máaxoʼob meyajtik Jéeobaoʼ, ¿baʼax yéetel maʼatech u náaysik u yóoloʼob?
-
¿Baʼaxten unaj k-kanáantik bukaʼaj tiempo k-jóoʼsik utiaʼal k-náaysik k-óol?
-
¿A kʼáat wa a náays a wóol yéetel baʼaloʼob maʼ u pʼekmaj Jéeobaiʼ? ¿Baʼaxten?
KAN U MAASIL
Ilawil máax unaj u yéeyik baʼax yéetel ken a náays a wóol.
Xok bix jeʼel a yéeyik baʼax yéetel ken a náays a wóoleʼ.
«¿K-náaysik wa k-óol yéetel baʼaxoʼob maʼalobtak?» (U Pʼíich Tulumil Kanan, 15 tiʼ octubre tiʼ 2011)
Teʼ xook «Xuʼul in pʼektik le máaxoʼob saktakoʼoboʼ» yaan k-kanik baʼaxten juntúul máakeʼ xuʼul u náaysik u yóol yéetel baʼaloʼob kʼaastak.
«Kʼeʼex u kuxtaloʼob tumen le Bibliaoʼ» (U xookil U Pʼíich Tulumil Kanan)
Ilawil baʼax tu beetaj juntúul koʼolel utiaʼal u xuʼulul u náaysik u yóol yéetel baʼaloʼob yaan yil yéetel espiritismo.
Maʼ a náaysik a wóol yéetel baʼaloʼob yaan yil yéetel espiritismo (2:02)
Maʼ xaaneʼ jeʼel u yutstal xan ta wicheʼ
KʼÁATCHIʼOB SUUK U BEETAʼAL
¿Bix u tsʼáaikoʼob xook u testigoʼob Jéeoba yéetel le Bibliaoʼ?
Le xook ku tsʼáaik u testigoʼob Jéeobaoʼ gratis, jeʼel u páajtal a usartik a Bibliaeʼ yéetel jeʼel u páajtal a invitartik wa máax utiaʼal u láakʼintikech teʼ xookoʼ.
