U seis tuus: Maʼalob ka meyajnaktoʼon imagenoʼob utiaʼal k-adorartik Dios

¿Bix úuchik u yantal le tuusaʼ? «Tiʼ le yáax cristianoʼoboʼ maʼatech u meyaj kaʼach imagenoʼob utiaʼal u meyajtkoʼob Dios [...]. Le Iglesiaoʼ tu yaʼaleʼ teʼ siglo 4 yéetel 5 meyajnaj imagenoʼob tiʼob tumen beyoʼ maas bin séeb jeʼel u kaambal kaʼach le máaxoʼob maʼ u yojloʼob xookoʼ ke chéen ka tsoʼolok wa ka xoʼokok tiʼob.» (Cyclopedia of Biblical, Theological, and Ecclesiastical Literature, tiʼ McClintock yéetel Strong.)

¿Baʼax ku kaʼansik le Bibliaoʼ? «Maʼ a beetik mix juntúul patbil [dios], mix u yoochel baʼax yaan kaʼan, mix le baʼax yaan yáanal luʼumoʼ, mix tiʼ le baʼax yaan teʼ kʼáaʼnáab tu yáanal le luʼumoʼ. Maʼ a chíin pooltikoʼob, mix a [adorartikoʼob].» (Éxodo 20:4, 5.) Teʼ siglo 1, apóstol Juaneʼ tu yaʼalaj tiʼ le yáax cristianoʼoboʼ: «Mejen paalaleʼex, tselabaʼex tiʼ le beetbil diosoʼoboʼ» (1 Juan 5:21).

Yaʼab religionoʼobeʼ ku yaʼalikoʼobeʼ le imagenoʼoboʼ maʼ diosoʼobiʼ chéen upʼéel baʼax ku meyajtiʼob utiaʼal u natsʼkubaʼob yéetel utiaʼal u yeʼeskoʼob tsiikil tiʼ le máax yaan teʼ imagenoʼoboʼ. Baʼaleʼ ¿jaaj wa le baʼax ku yaʼalikoʼobaʼ? Upʼéel enciclopediaeʼ ku yaʼalikeʼ, «maʼ xaaneʼ tu káajbaleʼ le imagenoʼoboʼ chéen ku meyaj kaʼach utiaʼal u yúuchul kaʼansaj yéetel utiaʼal adorno, bey u yaʼalikoʼob kaʼach utiaʼal maʼ u yaʼalaʼal mix baʼaloʼ. Baʼaleʼ maʼ xanchaj ka ilaʼabeʼ táan u meyaj utiaʼal u adorarkoʼob Dios. Lelaʼ maases ilaʼab yoʼolal bix u jach adorartaʼal le imagenoʼob teʼ Iglesia Ortodoxa Orientaloʼ» (The Encyclopedia of Religion). Baʼaleʼ ¿jach jeʼel wa u yáantkoʼon le imagenoʼoboʼ? Maʼ tumen le profeta Isaíasoʼ tu yaʼalaj: «¿Máax yéetel bíin a keteʼex [Dios]? ¿Yéetel baʼax oochel bíin [a] weʼeseʼex bix letiʼ?» (Isaías 40:18).

Xok le tekstoʼobaʼ: Isaías 44:13-19; Beetaʼanoʼob [Hechos] 10:25, 26; 17:29; 2 Corintoiloʼob 5:7.

U JAAJIL:

Dioseʼ maʼ utstutʼaan ka meyajnaktoʼon imagenoʼob utiaʼal k-adorartkiʼ.

¿YAAN WA A CREERTIK LE TUUSOʼOBOʼ, WA U JAAJIL?

Le baʼaxoʼob tsʼoʼok k-ilik yoʼolal le kaʼansajoʼobaʼ ku yeʼesikeʼ le «tsikbaloʼob patjoʼoltaʼan yéetel tuusoʼob» ku kaʼansaʼal tumen le iglesiaʼoboʼ, maʼ tu páajtal u yeʼesaʼal wa jaajtak jeʼex le baʼaxoʼob ku yaʼalik le Bibliaoʼ (2 Pedro 1:16).

Le oʼolaleʼ ilawil a tuukul tiʼ le baʼaxoʼob kaʼansaʼantechoʼ tsʼoʼoleʼ ket yéetel le baʼax ku kaʼansik le Bibliaoʼ (Juan 17:17). Wa ka beetik beyaʼ yaan a wilik jach jaaj le baʼax ku yaʼalik le Bibliaaʼ: «Bíin a kʼaj óolteʼex le jaajoʼ, le jaaj túunoʼ bíin u jáalkʼabteʼex» (Juan 8:32).

[U tsolajil le oochel teʼ táan juʼun 9]

Pictorial Archive (Near Eastern History) Est.