LECCIÓN 7
¿Xhi ni ná Galrnabee xhte Dios?
1. ¿Xhi ní ná Galrnabee xhte Dios?
¿Xhi ní Jesús ná ni inabee zák? (MARCOS 1:40-42)
Nani tuby Galrnabee ni rbez guibá laani a zedial izikani de galrnabee ni nuʼ lo Guixliú reʼ ne zuynni gak xhgab xhte Dios lo Guixliú zik ni kayakni guibá. Galrnabee xhte Dios ná ni riexh inabee de bniety lo guixliú, zuynni gan idxagsaʼ de bniety idubte lo Guixliú. ¡De didx reʼ nani didx zák! Bily Daniel 2:44; Mateo 6:9, 10, ne 24:14.
Lo irate de galrnabee rkin tuby ni inabee, Jehová Dios a bein xiʼnni Jesucrist Rey par inabee lo Galrnabee xhtenni. Bily Apocalipsis (Revelación) 11:15.
Bguie videu ¿Xhi ní ná Galrnabee xhte Dios?
2. ¿Xhi ní Jesús ná ni inabee zák?
Xiʼn Dios ná ni inabee zák pur ni nani güen ne ruynni galuxtisy zik ni rial (Mateo 11:28-30). Ne zikza rapni poder par gakneni de bniety, ne zuynni usni chi inabeeni Guixliú desd guibá. Chi guzbáin Jesús gubiʼ biepni guibá, bleezni lad ldi xhte xhtadni, axht chi xhtadni bded Galrnabee laani par inabeeni (Hebreos 10:12, 13). Chikruʼ, Dios bded Galrnabee laani. Bily Daniel 7:13, 14.
3. ¿Á nuʼ steruʼ de bniety ni inabeene Jesús?
Xhtidx Dios rní dek inabeeneni tuby kuaʼ bniety ni bkuadiág xhtidx Dios. Daniel 7:27 rní dek ládeb santos. Jehová zezaa kabee lo de bniety nguiu ne de bniety gunaa ni nap fe par izeindeb gakdeb santos. Zik Jesús, de bniety reʼ guiedeb guibá chi a gutydeb ne gakdeb tuby spirít. Bily Juan 14:1-3 ne 1 Corintios 15:42-44.
¿Báld de bniety guie guibá? Xhtidx Dios rní dek dudxhzi nadeb, Jesús bní «Laat dudxiizi nát» (Lucas 12:32). Irate ni inabeene Jesús lo Guixliú nadeb 144.000. Bily Apocalipsis 14:1.
4. ¿Xhi gúk chi Jesús bzuló kanabeeni zik Rey?
Jesús bzuló nani Rey iz 1914, ne nadoote ni beini guk bleni Bendxáb guibá. Ne de demony xhtenba ne bdxelni laadeb lo Guixliú. * Pur nii kadxichduuxba kayuynba nuʼ galnagán lo idubte lo Guixliú (Apocalipsis 12:7-10, 12). Des chik dxi kun dxi mazruʼ nagán ná galnabáin xhte de bniety guixliú. De guerr, xuduux, galguidx ne gubiny rliuʼ dek kayák zik ni rní profecía ni rliuʼ dek zedial galrnabee xhte Dios inabee idubte lo Guixliú. Bily Lucas 21:7, 10, 11, 31.
5.¿Xhi kaguiuny galrnabee xhte Dios nadxi ne xhi zedial guynni?
Idubte lo Guixliú zonen xhtidx Dios, Galrnabee xhte Dios kateʼni «zienguilliú bniety» xhte irate de guɨdx. Millón de bniety nguiu ne de bniety gunaa ni rkazpak guyn zik ni rní Dios rkuadiagdeb xhtidx Jesús zik rey ni nani. Iratedeb zbaindeb chi Galrnabee xhte Dios initló de bniety ni kɨt rkuadiág xhtidxni. Pur nii, bel rkaznu iguienu irate ni guyn Galrnabee xhte Dios rkin ikuadiagnu ne guynnu ni rní Jesús. Bily Apocalipsis 7:9, 14, 16, 17.
Lo tuby mil iz ki, Galrnabee xhte Dios zuyn zik ni napak xhgab xhte Dios par de bniety guixliú. Guixliú zakni tuby paraíso. Chikruʼ Jesús ibiʼ idedni Galrnabee lo xhtadni (1 Corintios 15:24-26). ¿Á nuʼ tu riulaazbiú igüenebiú de didx xhte Galrnabee reʼ? Bily Salmo 37:10, 11, 29.
^ párr. 6 Bel rkazbiú gakberubiú xhte profecía ni rzet iz 1914 iguiebiú not 22 lo página 217 axht 220 xhte librɨ ¿Qué nos enseña la Biblia?
