Bldet:

• Partitura

1. 1. Rate dxi rkitlaaznu rbainnu,

   Nasáʼduuxh ná lo Guixliú.

   Rkuaʼ bchá gubidx, rul de manii.

   Bzein dxi keznu de saʼn ni a guty.

   Rliuʼloziú kanixhkaldu,

   Irate de galnazák,

   Galnadán ni kabeznu,

   Gaxhga ni zedial gakni.

2. 2. Zien yág naxh nuʼ rut na lizu

   Ne zubni kueʼ tuby gueu roo,

   Zikza nuʼ ralo de manii

   Ne zien xhi ikin de bniety nuʼ reʼ.

   Naldiu ná dzuin ni ruyndeb

   Kɨtruʼ chuʼti tu idxág.

   Ne ira de galnazák,

   Gaxhga a zedial gakni.

   (PUENTE)

   Na dxi kayák zik ná xhgab Dios,

   Bniʼn naku stuby ne kɨt rakxú,

   Duby lo Guixliú bnitló galzí

   A nuʼ galrkáz ne galrkitlaaz.

3. 3. Rate bniety nasáʼduuxh ruldeb,

   Ne zakruʼza rldia de guie,

   Dxi kun dxi zakruʼ nabainnu

   Ne kɨtruʼ xhi riadxti lo Guixliú.

   Jehová Dios kanidxnu xhtios liú,

   Pur galrkáz ni rliuʼ dunún.

   Irate de galnazák

   Gaxhga a zedial gakni.

   (PUENTE)

   A gukxchíduuxh kabeza liú,

   ¡Kɨt reldilaaztia zu goo reʼ!

   Rakbea dek kɨt tu ldati saʼn,

   Idubyte tiémp zugüanea liú.

4. 4. Gaxhga a zedial gakni,

   Paraíso reʼ a zed,

   Te Jehová a bní zik gakni,

   Kɨt xhi guynti guyntioplaaza naʼ.

   Te a nana xhi zedial gak

   Ne reldilaaza gak zik.

   Ne kabeza izein dxi

   Te Gaxhga a zedial gakni.