Manihuiiniʼ rábicabe lapa riʼ, nácame casi ti bichuʼ ni napa laya naguidxi. Ne naguidxi ni purtiʼ nápani stale capahuiiniʼ de ti mineral láʼ goethita, ni zeeda gaca casi ti guié, ne núchani ti proteína naguudxi.

 Guníʼ ique ndiʼ: Lapa riʼ nápame ti apéndice, casi ti ludxi ni runibiáʼcabe casi rádula ne guidubi vuelta ni nápani jma layahuiiniʼ naduxhuʼ ne nagandxu, ne cada tobi nalaseʼ menu de ti milímetru. Naguidxi láyame purtiʼ riquiiñeme ni para guraame cueʼ guié ne gáxhame banduiʼ para gome.

 Caadxi investigador biquiiñecaʼ ti microscopio especial para guluubiaʼcaʼ pabiáʼ naguidxi láyame. Biiyacabe guizáʼ naguidxi laya manihuiiniʼ riʼ, ne qué huadxélacabe sti cosa jma naguidxi que laani, dede jma naguidxi ni que ti telaraña. Tobi de ca investigador que guníʼ: «Caquiiñeʼ guni copiarnu modo guyáʼ laya manihuiiniʼ riʼ ora guzanu xcaadxi cosa».

 Ca investigador ná pa ñanda ñúnicaʼ material ni guyaʼné laya lapa riʼ, ñanda niquiiñecabe ni para ñúnicabe carru, barcu, avión dede laya binni.

 ¿Xi rábiluʼ yaʼ? Modo guyáʼ laya lapa riʼ, rábiluʼ beeda gácani pur evolución la? o guyuu tu bizáʼ ni.