Caquiiñeʼ, purtiʼ Dios racalaʼdxiʼ gaca reunir binni para guni adorárcabe laa. Biblia ná: «Naquiiñeʼ gucáʼ íquenu gacanésaanu ti guiale de ndaaniʼ ladxidoʼno gannaxhiisaanu ne gúninu cosa galán, ne cadi gusaana de chuunu ca reunión stinu» (Hebreos 10:24, 25).

 Guníʼ Jesús zaca ca xpinni ti grupu ni zuni dxiiñaʼ tobi si ora gúdxibe laaca ca diidxaʼ riʼ:«Zanna binni nácatu discípulo stinneʼ: pa nadxiisaatu» (Juan 13:35) Nga runi zusihuinni ca xpinni Cristu nadxiisaacaʼ ra chuʼcaʼ tobi si. Para nga la? caquiiñeʼ gaca organizárcabe pur congregación ne gatigá gaca reunírcabe para guni adorárcabe Dios (1 Corintios 16:19). Zacá zácacabe ti grupu de hermanu ni nuu lu guidubi naca Guidxilayú (1 Pedro 2:17).

Cadi caquiiñeʼ si chuʼnu ndaaniʼ ti religión

 Biblia ruzeeteʼ caquiiñeʼ gaca reunir binni para guni adorar Dios. Peru qué riníʼ diʼ ni purtiʼ si nuu tuuxa ndaaniʼ ti religión riuulaʼdxiʼ Dios ni runi, sínuque caquiiñeʼ gúnibe ni ná Dios lu xquendanabánibe. Guzéʼtenu ti ejemplu, Biblia ná: «Para ganda gaca adoración stinu nayá casi racalaʼdxiʼ Dios Bixhózenu ne cadi gaca ni nabiidiʼ la? naquiiñeʼ gápanu ca huérfano ne ca viuda ni cadiʼdiʼ ra nagana, ne gucáʼnanu ca cosa nadxabaʼ nuu ndaaniʼ guidxilayú riʼ» (Santiago 1:27).