Biblia ná: «Ca ni nabani nánnacaʼ záticaʼ, peru ca ni maʼ guti la? qué lica gánnacaʼ gastiʼ» (Eclesiastés 9:5; Salmo 146:4). Nga runi, ora rati tuuxa la? maʼ qué riníʼ ique ne maʼ qué zanda guni gastiʼ.

«Zácaluʼ yu dé sti biaje»

 Dxi bicheené Adán Dios la? gudxi Dios laabe xi zazaacabe ora gátibe. Gudxi Dios laabe: «Purtiʼ yu dé lii ne zácaluʼ yu dé sti biaje» (Génesis 3:19). Biquiiñeʼ Dios «yu dé» para bizáʼ Adán (Génesis 2:7). Nga runi, dxi gútibe la? biguetaʼ gúcabe yu dé.

 Ngaca rizaaca tiempu riʼ. Biblia ná guiráʼ binni ne zaqueca ca maniʼ ca gúʼyacaʼ de yu dé ne ora ráticaʼ rácacaʼ yu dé sti biaje (Eclesiastés 3:19, 20).

Qué riluxeʼ guiráʼ ni ora rati binni

 Ruchaaga Biblia guendaguti casi ti bacaandaʼ (Salmo 13:3; Juan 11:11-14; Hechos 7:60). Ora nisiaasiʼ tuuxa la? qué rudii cuenta xi cayaca. Ngaca rizaaca né ca ni maʼ gutiʼ, qué gánnacaʼ gastiʼ. Peru Biblia ná zanda guindisaʼ Dios laacabe de lade gueʼtuʼ (Job 14:13-15). Ne ora gúnibe ni la? stale tu laa zudii cuenta qué riluxe guiráʼ ni ora rati binni.